ئۆپەراسیۆنە هاوبەشەكان: هێزی ئاسمانی هێرش دەكاتە سەر حەشارگەكانی داعش لە زنجیرە چیای پەڵكانە
ئەمنی
- 30-11-2023, 19:35
بەغداد - INA
فەرماندەیی ئۆپەراسیۆنە هاوبەشەكان ئەمڕۆ پێنجشەممە ڕایگەیاند: فڕۆكەكانی هێزی ئاسمانی هێرشیان كردووەتە سەر حەشارگەكانی باندە تیرۆریستییەكانی داعش لە زنجیرە چیای پەڵكانە لە خورماتوو لە پارێزگای سەڵاحەدین.
فەرماندەیی ئۆپەراسیۆنە هاوبەشەكان لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هەڵۆكانی هێزی ئاسمانی هەڵیانكوتاوەتە سەر حەشارگەكانی تیرۆریستانی داعش لە زنجیرە چیای پەڵكانە لە خورماتوو بە زانیاری پشتڕاستكراوە لەلایەن بەڕێوەبەرایەتی هەواڵگری سەربازی و بە هەماهەنگی لەگەڵ فەرماندەیی ئۆپەراسیۆنە هاوبەشەكان.
ئاماژەی بەوەشكرد: دوژمن ژمارەیەك كوژراوی هەبووە و حەشارگەیەكیشیان لەناوبراوە كە چەك و ئامێری لۆجستی تێدابووە.
