فوئاد مەعسوم پێشوازی كرد لە باڵیۆزانی نوێی عێراقی لە سویسراو رۆمانیاو سربستان
- 8-05-2018, 00:00
بەغداد – ا ه ع د.فوئاد مەعسوم سەرۆك كۆمار لە كۆشكی سەلام، پێشوازیكرد لە عەلا‌و حەیدەری باڵیۆزی نوێی عیراق لە سویسرا، محەمەد حەكیم روبەیعی باڵیۆزی نوێ لە رۆمانیاو فەخری ئال عیسا باڵیۆزی نوێی عیراق لە سربستان كە بە مەبەستی دەستبەكاربوونیان لە ئەركە نوێیە دیپلۆماتییەكەیان سەردانی سەرۆك كۆماریان كردبوو. لە دیدارەكەدا سەرۆك كۆمار ئاماژەیكرد بۆ گرنگی پەیوەندی تایبەت و مێژوویی عیراق و سویسراو رۆمانیاو سربستان، لەگەڵ پێویستی پەرەپێدان و گەشەپێدانیان و گرنگی هاندانی كۆمپانیا گەورەكانی ئەو وڵاتانەش بۆ بەشداریكردن لە ئاوەدانكردنەوەی عیراقدا. فوئاد مەعسوم داواشیكرد بایەخی زیاتر بدرێت بە پێداویستی و خواستی عیراقییەكانی دانیشتووی ئەو سێ وڵاتە لەڕێی ئاسانكاری و خزمەتكردنیان بەپێی توانا.
