دادگای تاوانەکانی کەرکوک زیندانی هەتاهەتایی بۆ دوو بازرگانی مادەی هۆشبەرەوە بڕاندەوە
ناوخۆ
- 19-11-2023, 15:28
بەغداد-INA
ئەمرۆ یەکشەممە، دادگای تاوانەکانی کەرکوک دوو سزای هەتاهەتایی بۆ دوو تۆمەتبار دەرکرد بە تاوانی بازرگانیکردن بە ماددە هۆشبەرەکانەوە.
لە ڕاگەیەندراوێکی ئەنجومەنی باڵای دادوەری،کە بۆ ئاژانسی هەواڵی عێراقی (INA) ناردوویەتی، تێیدا هاتووە:- دادگای تاوانەکانی کەرکوک دوو سزای هەتاهەتایی بەسەر دوو کەسدا سەپاند، بە تاوانی بازرگانیکردن بە ماددەی هۆشبەرەوە.
وەک ڕاگەیەندراوەکە ئاماژەی پێداوە:- تۆمەتباری یەکەم بە هەڵگرتنی (1،065) کیلۆیەک و شەست و پێنج گرام ماددە هۆشبەری لەری ئیم فیتامین و ترامادۆڵەوە دەستگیر کراوە،دووەمیان بە هەڵگرتنی (810) گرام مادەی هۆشبەر لەجۆری ئیم فیتامینی هۆشبەر گیراوە.
ڕاگەیەندراوەکە ئەوەشی خسیۆتەروو:- کە دادگا دوو بڕیارەکەی لەسەر بنەمای بڕگەکانی مادەی 28/یەکەم لە یاسای ماددە هۆشبەرەکان و ماددە دەروونییەکان ژمارە 50ی ساڵی 2017 دەرکردووە.
