4 تۆمەتبار بە هەڵگرتنی 65 كارتی بانكی لە فڕۆكەخانەی بەسڕە و نەجەف دەستگیركران
ئەمنی
- 17-11-2023, 18:41
بەغدا - INA
ئەمڕۆ هەینی وەزارەتی ناوخۆ دەستگیركردنی 4 تۆمەتباری ڕاگەیاند كە هەڵگری 65 كارتی بانكی ئامادەكرابوون بۆ قاچاخكردن لە فڕۆكەخانەكانی بەسڕە و نەجەف.
وەزارەتەكە لە ڕاگەیەندراوێكدا كە بەدەست ئاژانسی هەواڵی عێراقی (INA) گەیشتووە و ڕایگەیاندووە : مەفرەزەكانی بنكەی پۆلیسی گومرگی فڕۆكەخانەی بەسڕە كە سەر بە بەڕێوەبەرایەتی پۆلیسی گومرگی ناوچەی چوارە و مەفرەزەكانی بنكەی پۆلیسی گومرگی فڕۆكەخانەی نەجەف كە سەر بە ناوچەی پێنجەمە، دەست بەسەر (4) تۆمەتباردا گیراوە كە (65) كارتیان جۆری جیاوازی بانكی پێبووە.
ئاماژەی بەوەشكرد : كارتەكان پڕكرابوون لە بڕە پارەیەك كە مەبەست لێی قاچاخكردن بوو، ڕاپۆرتی دەستبەسەرداگرتنی دروست ئامادەكرا و ئەو شتانەی دەستیان بەسەردا گیرا ڕەوانەی لایەنە پەیوەندیدارەكان كرا.
