ڕاوێژكاری سەرۆك وەزیران گرنگی پەیوەندیكردنی عێراق بە بانكی ئەوروپی بۆ ئاوەدانكردنەوە و گەشەپێدان دەخاتە ڕوو

بەغدا -  INA-  نەسار حاج
ئەمڕۆ هەینی ڕاوێژكاری دارایی سەرۆكوەزیران مەزهەر محەمەد ساڵح، گرنگی پەیوەستبوونی عێراقی بە بانكی ئەوروپی بۆ ئاوەدانكردنەوە و گەشەپێدان خستەڕوو، هاوكات جەختی لەوە كردەوە كە پەیوەستبوونەكە دەرئەنجامی ڕاوێژكارییە هۆشیار و بنیاتنەرەكانە كە بە دیپلۆماسی ئابووری ئەنجامدراون.
ساڵح بە ئاژانسی هەواڵی عێراقی (INA)ی ڕاگەیاند: پەیوەستبوونی عێراق بە بانكی ئەوروپی بۆ ئاوەدانكردنەوە و گەشەپێدان، 74هەمین ئەندامە لەو كاتەوەی كە دەستەی پارێزگارەكان پەسەندی پەیوەستبوونیان كرد لە ساڵی 2020 و ئاماژەی بەوەشكرد كە پەیوەندیكردنەكە لە ئەنجامی كەرتی ئابووری بەدرێژایی ساڵان بۆ گەیشتن بە قۆناغی ئەندامێتی تەواو لەم دامەزراوە داراییە فرەلایەنەی ئەوروپیدا.
ئاماژەی بەوەشكرد : ئەمە وادەكات وڵاتەكەمان بتوانێت ئەولەویەتەكانمان لە گەشەپێدانی ئابووری بەردەوامدا جێبەجێبكات، كە تیایدا بانكی ئەوروپا بەرپرسیارە لە ئاوەدانكردنەوە و باشتركردنی لایەنە گرنگەكانی ژێرخانی عێراق.
ئاماژەی بەوەشكرد : بانكی ئەوروپی بۆ ئاوەدانكردنەوە و گەشەپێدان (EBRD) بانكێكی گەشەپێدانی فرەلایەنەیە كە وەبەرهێنان وەك ئامرازێك بەكاردەهێنێت بۆ یارمەتیدانی بنیاتنانی ئابووری بازاڕ، لە ساڵی 1991 دامەزراوە و سەرەتا كارەكانی تەرخانكردووە بۆ وڵاتانی ئینتقالی ئەوروپای ڕۆژهەڵات كە لە ئابوورییە ناوەندییەكان بۆ ئابوورییەكانی بازاڕ و  بانكی پێشووی باسكراو لە ساڵی 1991 تا ساڵی 2020 و (5035) پڕۆژەی دارایی كردووە، كە بەهای كۆی گشتی قەبارەی بازرگانییەكان 120 ملیار یۆرۆ بووە.
ئاماژەی بەوەشكرد : بانكی ئەوروپا بە تایبەتی كاردەكات بۆ ئاوەدانكردنەوە و گەشەپێدان لە 38 وڵاتی باشوور و ڕۆژهەڵاتی دەریای ناوەڕاست، ناوەڕاست و ڕۆژهەڵاتی ئەوروپا، و ئاسیای ناوەڕاست، هەروەها پارەی پڕۆژەی گەورە و بچووك لە چەندین كەرتی جیاوازدا دابین دەكات، لەوانەش كارە گشتیەكان، ژێرخانی، وەك ڕێگاوبان، پڕۆژەكانی ئاو و پاكوخاوێنی، و كەرتی دیجیتاڵی و تەكنەلۆژیا.
لە درێژەی قسەكانیدا وتی: بەم شێوەیە بانكی ئەوروپی بۆ ئاوەدانكردنەوە و گەشەپێدان خزمەت بە بەرژەوەندی هەموو خاوەن پشكەكانی دەكات - كە ئەمڕۆ كۆی ژمارەیان زیاترە لە 74 وڵات لە 5 كیشوەرەوە، جگە لە وڵاتانی یەكێتی ئەوروپا خۆیان.
جەختیشی لەوە كردەوە كەئەندامێتی عێراق لە بانكی ئەوروپی بۆ ئاوەدانكردنەوە و گەشەپێدان نوێنەرایەتی هاوبەشییەكی ڕاستەقینەی وەبەرهێنانی ئەوروپی دەكات لە دەستپێكردنی پڕۆژەی ستراتیژی گرنگ لە وڵاتەكەماندا، وەك پڕۆژەی گەورەی گەشەپێدانی عێراق (رێگای گەشەپێدان)، كە پڕۆژەیەك كە بەیەكەوە دەبەستێتەوە و بەرژەوەندییەكانی عێراق و باشووری جیهانی لەگەڵ ئەوروپا لە لایەك و بەرژەوەندییەكانی ئەوروپا و عێراق لەگەڵ باشووری جیهانی لە لایەكی دیكەوە.
دوێنێ پێنجشەممە وەزارەتی دەرەوە ڕایگەیاند: عێراق پەیوەندی بە بانكی ئەوروپی بۆ ئاوەدانكردنەوە و گەشەپێدانەوە كردووە.
ئەحمەد سەحاف وتەبێژی وەزارەتەكە لە بەیاننامەیەكدا كە بەدەست ئاژانسی هەواڵی عێراقی (INA) گەیشتووە  و ڕایگەیاندووە: عێراق پەیوەندی بە بانكی ئەوروپا بۆ ئاوەدانكردنەوە و گەشەپێدان (EBRD) كردووە، بەو پێیەی ڕێكارەكانی پەیوەستبوون بە بانكی ئەوروپا تەواو كردووە و ئێستا 74هەمین ئەندامی بانكەكەیە.
ئاماژەی بەوەشكرد :پێشتر عێراق لە مانگی نیسانی 2018 داواكاریی بۆ پەیوەندیكردن بەو بانكە پێشكەشكردبوو، دەستەی پارێزگاریش لە مانگی تشرینی یەكەمی 2020دا ڕەزامەندی لەسەر ئەندامێتی ئەو بانكە دەربڕی.
ناوبراو لە درێژەی قسەكانیدا وتی: ئێستا پڕۆسەی بوون بە ئەندامێكی بەشداربوو تەواو بووە و وەك خاوەن پشكێك عێراق دەتوانێت داواكاری پێشكەش بكات بۆ ئەوەی سوود لەو پاڵپشتییە دارایی و سیاسییە وەربگرێت كە بانكی ئەوروپا بۆ ئاوەدانكردنەوە و گەشەپێدان پێشكەشی دەكات.
سەرۆكی بانكی ئەوروپی بۆ ئاوەدانكردنەوە و گەشەپێدان، ئۆدیل ڕێنۆدباسۆ بەگوێرەی ڕاگەیەندراوەكە ڕایگەیاند: خۆشحاڵم بە پێشوازیكردن لە عێراق وەك ئەندامێكی بانكی نێودەوڵەتی، ئێمە بە تەواوی پابەندین بە پەیوەندیكردن لەگەڵ وڵاتەكە  و كاتێك  كات دێت ئێمە بەوپەڕی خۆشحاڵییەوە چاوەڕێی دەستپێكردنی كارەكانین لە عێراق، و بەكارهێنانی شارەزاییەكانمان بۆ پەرەپێدانی ئابوورییەكەی.
لە كۆتایی بەیاننامەكەدا هاتووە : ئەم دەستكەوتە لوتكەی هەوڵەكانی باڵیۆزخانەی كۆماری عێراق بوو لە لەندەن و هەوڵە بەردەوامەكانی لەگەڵ كارگێڕی بانكەكە لە لەندەن، هەروەها ئەگەری بەشداریكردنی بانكی نێودەوڵەتی لە پڕۆژەكانی ژێرخانی عێراق، لەوانەش گەشەپێدان و پڕۆژەی ڕێگاوبان.