ئەعرەجی و عامری جەخت لە گرنگی پشتیوانیكردنی بەرنامەی حكومەت و سەروەری یاسا دەكەنەوە

سیاسی

16-11-2023, 18:37

+A -A

بەغداد - INA
ئەمڕۆ پێنجشەممە، قاسم ئەعرەجی ڕاوێژكاری ئاسایشی نیشتمانی و هادی عامری سەرۆكی هاوپەیمانی فەتح، جەختیان لە گرنگی پشتیوانی بەرنامەی حكومەت و سەروەری یاسا كردەوە.
نوسینگەی راگەیاندنی راوێژكاری ئاسایشی نیشتمانی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەعرەجی لەگەڵ هادی عامری سەرۆكی هاوپەیمانی فەتح كۆبووەوە و دوایین پێشهاتەكانی دۆخی سیاسی و ئەمنی وڵات و رێگاكانی باشتركردنی ئاسایش و سەقامگیری و پاراستنی دەستكەوتە ئەمنییەكان و سەروەری یاسایان تاوتوێكرد.
هەر لە بەیاننامەكەدا هاتووە، كە هەردوولا جەختیان لە پێویستی پاڵپشتیكردنی بەرنامە و هەنگاوەكانی حكومەتی محەمەد شیاع سودانی سەرۆك وەزیران و هەروەها پاڵپشتیكردنی هەوڵەكانی حكومەت لەڕێگەی یەكخستنی كاری دامودەزگاكانی دەوڵەتەوە كردەوە.

ئەعرەجی و عامری جەخت لە گرنگی پشتیوانیكردنی بەرنامەی حكومەت و سەروەری یاسا دەكەنەوە

هەواڵی پەیوەندیدار