عێراق بۆردومانی دەوروبەری نەخۆشخانەی مەیدانی ئوردن لە غەززە لەلایەن ئیسرائیلەوە شەرمەزار دەكات

بەغدا – INA
ئەمڕۆ پینجشەممە وەزارەتی دەرەوە ئیدانەی بۆردومانی دەوروبەری نەخۆشخانەی مەیدانی ئوردن لە غەززە لەلایەن ئیسرائیلەوە كرد.
ئەحمەد سەحاف، وتەبێژی وەزارەتی دەرەوە، لە راگەیندراوێكدا كەبە دەست ئاژانسی هەواڵی عێراقی گەیشتووە، ڕایگەیاندووە، “وەزارەتی دەرەوە، بە توندترین شێوە، ئەو بۆردومانە ئیدانە دەكات كە لەلایەن دەسەڵاتی داگیركەری ئیسرائیل، لە دەوروبەری نەخۆشخانەی مەیدانی ئوردن لە كەرتی غەززە ئەنجامدراوە ، كە بووە هۆی برینداربوونی ژمارەیەك كەس و كارمەندانی نەخۆشخانەكە لەكاتی هەوڵدان بۆ چارەسەركردنی ئەو فەلەستینییە بریندارەكان كە لە ئەنجامی بۆردومانی بەردەوامی كەرتی غەززە بریندار بوون.”
ڕوونیشیكردەوە، "بەردەوامی پێشێلكارییەكانی دەسەڵاتی داگیركەری دەستبەسەرداگیری دژی نەخۆشخانەكان و بەركەوتنی تیمە پزیشكییەكان بۆ مەترسی تاوانێكی قبوڵنەكراو و ئیدانەكراوە، هەروەها نوێنەرایەتی پێشێلكارییەكی ڕوون و پێشێلكارییەكی جددی دەكات بۆ بڕگەكانی یاسای نێودەوڵەتی و مرۆیی".
هەر بە پێی راگەیندراوەكەی وەزارەتی دەرەوە ئەوەیش هاتووە كە “هاودەنگی خۆی لەگەڵ شانشینی هاشمی ئوردن” دەربڕیوە، داوای لە “ئەنجومەنی ئاسایش و كۆمەڵگەی نێودەوڵەتی كردووە دەستوەردان بكەن بۆ ڕاگرتنی ئەو پێشێلكارییانە، كە كاریگەری لەسەر نەخۆشخانەكان و ژێرخانی پزیشكی و كارمەندەكانیان هەیە”.