سەرۆک کۆمار: حکومەت لەکۆششدایە بۆ بەرەنگاربوونەوەی گەندەڵی

بەغداد/ ‌INA
سەرۆک کۆمار عبداللتیف جمال ڕشید جەختی لەوەکردەوەکە حکومەت بەردەوامە لە بەرەوڕووبونەوەی گەندەڵی  ولەهەمانکاتیشدا هانی بازرگانانی سعودیەی دا بۆ وەبەرهێنان لە عێڕاق.
نووسینگەی ڕاگەیاندنی سەرۆک کۆمار لەبەیاننامەیەکدا کەدەست ئاژانسی هەواڵی عێڕاقی کەوت وتی" سەرۆک کۆمار پێشوازیکرد لە وەزیری بازرگانی سعودی ،سەرۆکی ئەنجومەنی هەماهەنگی سعودی عێڕاقی ماجد قەسبی و ژمارەیەک بازرگانانی سعودیە.
سەرۆک کۆمارلە دیدارەکەدا باسی لە گرنگی هەماهەنگیەکان کردەوە لەنێوان عێڕاق وسعودیە لەهموو بوارەکاندا.
هەروەها سەرۆک کۆمار ئاماژەی بەو بارودۆخەناهەموارەکرد کە عێڕاقی پێداتێپەڕی لە ماوەی پێشوودا، کە کاریگەری خراپی لەسەر بارودۆخ و لایەنی ئابووری هەبووە بەگشتی.
 وتیشی هەڵبژاردنەکانی ئەمدواییە بوو هۆی پێکهێنانی حکومەتێک بۆ هەموو عێڕاقیەکان ، کە بەرنامەیەکی داڕشتووە بۆ سەقامگیری وڵات و بەردەوامیشە لەسەر بەرەنگاربوونەوەی گەندەڵی.
هەروەها وەزیری سعودی ئاماژەی بەوە کرد کە بازرگانانی سعودیە کۆششەکانیان چڕکردوەتەوە بۆ وەبەرهێنان لە عێڕاقدا و لەمبوارەدا کۆبوونەوەی بەردەوام سازدەدەن بۆ پتەوکردنی پەیوەندیەکانیان و بەدیهێنانی هاوبەشیەکی ڕاستەقینە.
باڵیۆزی عێڕاقیش لەسعودیە سەفیە سوهەیل سوپاسی سەرۆک کۆماری کرد بۆ ئەم دیدارە.
ئەمەو  جێگری سەرۆک وەزیران وەزیری دەرەوە فوئاد حوسین و ئەندامی پەرلەمان جبار فریج کنانی ئامادەی دیدارەکە بوون.