عێراق گەشتە ڕاستەوخۆکانی لەگەڵ کۆپنهاگن دەستپێدەکاتەوە
ناوخۆ
- 12-11-2023, 12:30
بەغداد/INA
ئەمڕۆ یەکشەممە، وەزارەتی گواستنەوە و گەیاندن دەستپێکردنەوەی گەشتە ڕاستەوخۆکانی نێوان عێراق و دانیمارکی ڕاگەیاند.
لە بەیاننامەیەکی وەزارەتی گواستنەوەدا،کە بۆ ئاژانسی هەواڵی عێراقی (INA) ناردوویەتی، تێیدا هاتووە:-گەشتە ڕاستەوخۆکانی نێوان عێراق و دانیمارک لە گەڵ هەریەک بەغدا و نەجەف و کۆپنهاگن دەستیپێدەکاتەوە .
وەک بەیاننامەکە ئاماژەی پێدا :-ئەمە دووەم گەشتی راسەوخۆیە بۆ ئەوروپا دوای بەرلین،کە لەسەر هێڵی ئاسمانی عێراقی دەکرێتەوە .
روونیشیکردۆتەوە :-دەستپێکردنەوەی گەشتەکان لەسەر بنەمای ڕێنماییەکانی وەزیری گواستنەوە" ڕەزاق موحیبەس سەعداوی"بەڕێوە دەچێت،کە ئامانجیانە گەشتەکان لەگەڵ خواستی گەشتیاراندا بگونجێت.
بەیاننامەکە روونیشیکردۆتەوە:-هێڵی ئاسمانی عێراقی هەفتانە دوو گەشتی راستەوخۆ لە رۆژانی یەکشەممە و چوارشەممە ئەنجام دەدات.
