بەڕێوەبەری نەخۆشخانەی ئەندەنوسی لە غەززە : ئێمە جینۆساید دەکرێین
جیهانی
- 11-11-2023, 21:22
بەدواداچون - INA
ئەمرۆ شەممە "عاتیف کەحلوت " بەڕێوەبەری نەخۆشخانەی ئەندەنوسی لە کەرتی غەززە، ڕایگەیاند :- کە تیمە پزیشکییەکان و نەخۆشەکان لەبەردەم هەموو جیهاندا جینۆساید دەکرێت.
کەحلوت ڕاشیگەیاند:- فڕۆکە داگیرکەرەکان ڕۆژانە بە دەیان مووشەک دەوروبەری نەخۆشخانەکە دەکەنە ئامانج، ئەمەش بۆتە هۆی ڕووخاندنی بەشێکی باڵاخانەی نەخۆشخانەکە، ئەوە جگە لە شەهید بوونی ژمارەیەک نەخۆش و ئاوارە لە ئەنجامی بەرکەوتنی پارچە مووشەکەکان.
"کەحلوت" سوپای زایۆنی بە سەپاندنی گەمارۆ بۆ سەر نەخۆشخانەکە و ڕێگریکردن هاتنی هەر جۆرە یارمەتیەکی پزیشکی لە ڕێگەی خاچی سوور و نەتەوە یەکگرتووەکانەوە،بۆ یارمەتیدانی تیمە پزیشکییەکان بۆ ڕاپەڕاندنی ئەرکی مرۆیی خۆیان لە چارەسەرکردنی بریندارەکاندا تۆمەتبار کرد.
ئاماژەی بەوەشدا :- کە نەبوونی ئامێری پزیشکی و دەرمان بۆتە هۆی ئەوەی کە ئەنجامدانی نەشتەرگەری قورس بێت.
"کەحلۆت" داوای لە نەتەوە یەکگرتووەکان و ڕێکخراوە پزیشکییەکان لە سەرانسەری جیهان کرد کە پارێزگاری لە ناوەندە تەندروستییەکان و تیمە پزیشکییەکان بکەن و ئەم دامەزراوانە لە بۆردومانەکان بپارێزن و فشار بخەنە سەر قەوارەی زایۆنی بۆ ئەوەی ڕێگە بە تێپەڕبوونی یارمەتییەکان بدات.
