سەرۆكی حكومەتی هەرێمی كوردستان پێشوازی لە باڵیۆزی بەریتانیا لە عێراق دەكات
سیاسی
- 11-11-2023, 14:25
هەولێر - INA
ئەمڕۆ شەممە رێكەوتی 11-11-2023 مەسرور بارزانی سەرۆكی حكومەتی هەرێمی كوردستان پێشوازی لە ستیڤن هیچن باڵیۆزی بەریتانیا لە عێراق كرد.
نووسینگەی ڕاگەیاندنی سەرۆكی حكومەتی هەرێمی كوردستان لەڕاگەیێندراوێكدا كەبۆ ئاژانسی هەواڵی عێراقی (INA) ناردووە و ڕاگەیاندووە : لە كۆبوونەوەكەدا دوایین گۆڕانكاری و پێشهاتەكانی دۆخی سیاسی و ئەمنیی عێراق و ناوچەكە و چارەسەركردنی كێشەكانی هەرێم و حكومەتی فیدراڵ و پەرەپێدانی پەیوەندی دوولایەنە تاوتوێ كران.
هەروەها گوتیشی : هەردوولا هاوڕابوون لەسەر گرنگیی پاراستنی ئاسایش و سەقامگیریی عێراق و دوورخستنەوەی لە شەڕ و ئاڵۆزییەكانی ناوچەكە و پاراستنی سەلامەتیی هێزەكانی هاوپەیمانان و باڵیۆزخانە و نێردە دیپلۆماسییەكان لە عێراق،پێویستی ئەنجامدانی هەڵبژاردنی پەرلەمانی كوردستان لە كاتی دیاریكراوی خۆیدا و ئامادەكارییەكان لەم بارەیەوە، تەوەرێكی دیكەی گفتوگۆكان بوو.
