ئاسایشی نیشتیمانی دوو هاککەر دەستگیر دەکات
ئەمنی
- 10-11-2023, 16:16
بەغداد/INA
ئەمڕۆ هەینی،دەزگای ئاسایشی نیشتیمانی دەستگیرکردنی دوو کەسی ڕاگەیاند کە چەند ماڵپەڕێکی فەرمی حکومەتیان لە شاری زیقار هاککردوە.
لە ڕاگەیەندراوەکەی دەزگای ئاسایشی نیشتیمانیدا کە بۆ ئاژانسی هەواڵی عێراقی (INA) ناردوویەتی، تێیدا هاتووە:-بە پشتبەستن بە زانیارییە هەواڵگرییە وردەکان، و دوای هەوڵی بەردەوام، هێزەکانی دەزگای ئاسایشی نیشتمانی لە پارێزگای زیقار توانیان دوو کەس دەستگیر بکەن کە ماڵپەڕ و دامەزراوەی وەزارەتە فەرمییەکانی حکومەتیان هاککردوە.
وەک ڕاگەیەندراوەک ئاماژەی پێداوە :ئۆپەراسیۆنەکە بەپێی فەرمانی دەستگیرکردنی دادوەری بووە،دوای ئەوەی تۆمەتباران چەندین داتا و زانیاری گرنگیان لەو شوێنانە دزیوە کە هاکیان کردوە،دوای دەستگیر کردنیش،تۆمەتباران ڕەوانەی دەسەڵاتی دادوەری کران بۆ ئەوەی بەپێی یاسا سزابدرێن.
