سەرۆك وەزیران و سەرۆكی پارتی دیموكراتی كوردستان دوایین پێشهاتە ئەمنی و سیاسییەكان تاوتوێ دەكەن
سیاسی
- 9-11-2023, 20:57
بەغداد - INA
ئەمڕۆ پێنجشەممە، سەرۆكی ئەنجومەنی وەزیران محەمەد شیاع سودانی و سەرۆكی پارتی دیموكراتی كوردستان مەسعود بارزانی، دوایین پێشهاتە ئەمنی و سیاسییەكانی سەر ئاستی ناوچەكەیان تاوتوێ كرد.
نوسینگەی ڕاگەیاندنی سەرۆكی ئەنجومەنی وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی وەزیران محەمەد شیاع سودانی، ئێوارەی ئەمڕۆ پێنجشەممە، لەگەڵ مەسعود بارزانی سەرۆكی پارتی دیموكراتی كوردستان، كۆبوەوە لە هاوینەهەواری سەڵاحەدین لە پارێزگای هەولێر، لە هەرێمی كوردستان.
ئاماژەی بەوەشكرد: لە كۆبوونەوەكەدا ئاڵوگۆڕی بیروڕا كرا و گفتوگۆ لەبارەی سەرجەم پرسە گشتیەكان لەسەر ئاستی نیشتمانی كرا، و هەروەها بەدواداچوون بۆ گرنگترین دۆسییەكان لە جێبەجێكردنی بەرنامەی حكومەتدا كرا، هەروەك دوایین پێشهاتە ئەمنی و سیاسییەكانی ناوچەكە و ڕووداوە تراژیدییەكانی كەرتی غەزە و هێرشی زایۆنییەكان دژی خەڵكی فەڵەستین تاوتوێ كرا.
