هەولێر و نەورۆز دهۆك لە چوارچێوەی گڕی سێیەمی خۆلی ئەستێرەكانی عێراق ئەمڕۆ یاری دەكەن

بەغدا - INA
ئەمڕۆ پێنجشەممە یارییەكانی گڕی چوارەمی پاڵەوانێتی تۆپی پێی خولی ئەستێرەكانی عێراق دەستپێدەكات و سێ یاریی لە یاریگاكانی بەغدا و نەجەف و سلێمانی بەڕێوەدەچێت.
لە یاری یەكەمدا یانەی نەورۆز میوانداری لە یانەی مینای بەسڕە دەكات، لە یارییەكدا تیپی خاوەن یاریگا هەوڵدەدات سێ خاڵ بەدەستبهێنێت لە ژێر ڕۆشنایی دابەزینی ئەنجامەكاندا دوای ئەوەی دوو دۆڕان بەسەر یەكەوە تۆمار كرد بەرانبەر بەیەك بردنەوە، و تەنها خاوەن سێ خاڵە.
یانەی دهۆك دەبێتە مێوانی یانەی نەفتی وەسەت ، لە ڕووبەڕووبوونەوەیەكدا كە یاریگای نێودەوڵەتی نەجەف میوانداری دەكات، میوانانیش بەوپەڕی خۆشحاڵییەوە چاوەڕێی بەدەستهێنانی سەركەوتنی سێیەم و درێژەدان بە ئەنجامە ئەرێنییەكانیان دەكەن لەژێر سەركردایەتی ڕاهێنەرەكەیان سلێمان ڕەمەزان، بەو پێیەی تیپەكە بەدەستی هێناوە حەوت خاڵ لە دوو بردنەوە لە یانەی شۆرتە كە خاوەنی نازناوی خولی ڕابردوو و نەورۆز بوو، بە بەراورد بە یەكسانبوون بەرامبەر زاخۆ.
لەكاتێكدا یانەی شۆرتەی خاوەن نازناویخولی رابردوو  بەوپەڕی خۆشحاڵییەوە چاوەڕێی بەدەستهێنانی سێیەم سەركەوتنی یەك لەدوای یەكە كاتێك لە یاریگای زەورا ڕووبەڕووی یانەی هەولێر دەبێتەوە، هەروەها هەردوو تیپەكە بە ورەیەكی بەرزەوە دەچنە نێو یارییەكەوە، بەتایبەتی دوای ئەوەی یانەی شورتە لە قۆناغی پێشوودا وەك براوە گەیشتە خاڵی شەشەم بەرامبەر یانەی مینا، لەلایەكی ترەوە یانەی هەولێر بەدەست لەدەستدانی خاڵ خراپی ئەنجامەكانیەوە دەناڵێنێت دوای كۆكردنەوەی 4 خاڵ، ئەمەش وایكرد پاشەكشە بكات بەرامبەر قاسم لە دووری ماڵەوە و دوا یاریشی لە یانەی كارەبای بە تەنها گۆڵێك بردەوە بۆیە كوڕانی قەڵاو منارە چاوییان لە بەدەستهێنانی سێ خاڵی یارییەكەیە.