ئاسایشی نیشتمانی دەستگیرکردنی 19 تیرۆریست ڕادەگەیەنێت
ئەمنی
- 5-11-2023, 16:02
بەغداد/INA
ئەمرۆ یەکشەممە، دەزگای ئاسایشی نیشتمانی دەستگیرکردنی 19 تیرۆریستی لە 6 پارێزگاری ڕاگەیاند.
دەزگاکە لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا رایگەیاندوە:- لە درێژەی هەوڵەکانی دەزگای ئاسایشی نیشتمانی بۆ بەدواداچوونی پاشماوەی چەتە تیرۆریستەکانی داعش، هێزەکانیان توانیان لە ماوەی مانگی تشرینی یەکەمی ئەمساڵدا،و دوای هەوڵێکی هەواڵگریی یەکلاکەرەوە، (19) تیرۆریست لە (کەرکوک، نەینەوا، بەغدا، ئەنبار، سەڵاحەددین، و دیالە) دەستگیربکەن.
وەک بەیاننامەکە ئاماژەی پێداوە :- دوای تۆمارکردنی وەتەکانیان، تۆمەتباران ڕەوانەی دەسەڵاتی دادوەری کران بۆ ئەوەی بەپێی یاسا سزای دادپەروەرانەیان وەربگرن.
