وەزارەتی کشتوکاڵ:لەماوەی 5 ساڵی داهاتوودا ژمارەی دارخورما بۆ 25 ملیۆن دارخورما زیاد دەکات

بەغداد/INA
وەزارەتی کشتوکاڵ دووپاتی کردەوە،کە بڕیاری گۆڕینی ڕەگەزی زەوییەکان،خزمەتی بە کەرتی کشتوکاڵی دەکات و ڕێگری لە دەستدرێژی بۆ سەر باخ و شوێنە سەوزاییەکان دەکات، ئاماژەی بەوەشدەکات، کە بەرنامەیەکیان داڕشتووە بۆ ئەوەی لە ماوەی 5 ساڵدا دارخورما بگاتە 25 ملیۆن،هەروەک ئاماژە بە پلانی داهاتویان دەکات  بۆ رووبەرووبونەوەی ڕەشەبای لم و خۆڵبارین.
"هادی یاسیری"بەڕێوەبەری گشتی بەشی باخداری لە وەزارەتی کشتوکاڵ،لە چاوپێکەوتنێکدا لەگەڵ ئاژانسی هەواڵی عێراقی (INA) ڕایگەیاند:بڕیاری گۆڕینی جۆری زەوی کاریگەری لەسەر ڕووخاندنی   باخچەی میوە نابێت، بە لەبەرچاوگرتنی ئەوەی کە چارەسەری ئەو حاڵەتانە دەکات کە هەن سەبارەت بەو ئاسانکاریانەی کە لەسەر ناوچە کشتوکاڵییەکان هەن،  کە بە تاپۆی کشتوکاڵی زامنکراون، جەختی لەوەش کردەوە کە ئەم بڕیارە سنووردار و ڕێگری لە فراوانبوونی زیادە ڕۆیی دەکات و خزمەت بە کەرتی کشتوکاڵی دەکات ،  بە ڕێگریکردن لە زیادەڕۆیی بۆ سەر سەوزایی و باخچەی میوە و خورمان دەکات. 
یاسیری ئاماژەی بەوەشدا،کە ئاماری پەسەندکراوی عێراق بۆ ژمارەی دارخورما لە وەزارەتی پلاندان بۆ ساڵی 2020 ئاماژە بە بوونی 7 ملیۆن و 300 هەزار دارخورما دەکات.
ڕاشیگەیاند :- کە هەوڵەکانی وەزارەت پەرەی سەندووە و زیادی کردووە بەهۆی بوونی بەرنامەیەکی بۆ زیادکردنی ڕووبەری دارخورما، کە پێشبینی دەکات  بگاتە 18 ملیۆن دارخورما لەم ماوەیەدا،هەروەها بەهۆی بوونی پلان لە بەشی باخداری و وەزارەتی کشتوکاڵ لە ماوەی پێنج ساڵدا ژمارەی دارخورما پێشبینی دەکات زیادبکات بۆ 25 ملیۆن دارخورما.