مالیكی و باڵیۆزی ژاپۆن باس لە كاردانەوەكانی شەڕی غەززە دەكەن

بەغدا - INA
ئەمڕۆ چوارشەممە، نووری مالیكی، سەرۆكی هاوپەیمانی دەوڵەتی یاسا، لەگەڵ فوتۆشی ماتسومۆتۆ، باڵیۆزی ژاپۆن لە عێراق، كاردانەوەكانی شەڕی كەرتی غەززەی تاوتوێ كرد.
نووسینگەی ڕاگەیاندنی سەرۆكی هاوپەیمانی دەوڵەتی یاسا لە راگەیندراوێكدا كە بە ئاژانسی هەواڵی عێراقی گەیشتووە، ڕایگەیاندووە، “ئەمڕۆ مالیكی پێشوازی لە ماتسومۆتۆ كرد، لە میانی كۆبوونەوەكەشدا پەیوەندییەكانی عێراق و ژاپۆن و سیاسی و ئابووری وپەیوەندییە جەماوەرییەكان كە دوو وڵاتی دۆست یەكدەخەن، كە بۆ چەندین دەیە درێژدەبنەوە، پێداچوونەوەیان بۆ كرا، كاردانەوەی شەڕی كەرتی غەززە و كاردانەوەی ناوچەیی و نێودەوڵەتی.
بە پێی راگەیندراوەكە مالیكی وتی: ئەوەی لە غەززە دەگوزەرێت، شەڕێكی جینۆسایدە كە قەوارەی زایۆنیستی دژی گەلێكی بێ دیفاع كە جگە لە گەڕاندنەوەی مافە ڕەواكانیان بۆ ژیانێكی شایستە لەسەر خاكەكەیان هیچی تریان ناوێت، بە ئاماژەدان بەوەی كە “ ئەوەی ئەم قەوارەیە دەیكات هەموو نۆرمەكانی تێپەڕاندووە” و یاسا نێودەوڵەتییەكان و بەردەوامبوونی ئەم ڕێبازە دڕندانەیە دەبێتە هۆی فراوانبوونی بازنەی ململانێ لە هەموو ناوچەكە و ڕوودانی ئەنجامە نەخوازراوەكان.”
ناوبراو ئاماژەی بە گرنگی مانەوەی ڕۆڵی ژاپۆن كرد كە هاوسەنگ بێت، داوای لە هەڵوێستە نێودەوڵەتییەكانی دیكە كرد ڕۆڵێكی سەرەكی بگێڕن لە وەستاندنی ئەم شەڕە ناڕەوا و پاراستنی ژیانی فەلەستینییەكان و مافە ڕەواكانیان.
لای خۆیەوە ماتسومۆتۆ ڕوونی كردەوە كە ئەو پەیامانە دەگەیەنێتە حكومەتەكەی، كە هاوكات حەز دەكات كۆتایی بەم شەڕە بهێنێت و خەڵكی مەدەنی بپارێزێت و چارەسەرێكی هەمەلایەنە بۆ پرسی فەڵەستین بدۆزێتەوە.