تەندروستی كەركوك 15 تۆن ماددەی هۆشبەری حەبی دەروونی لە ناوبرد
ناوخۆ
- 1-11-2023, 13:16
كەركوك - INA - مەهدی رەبحاوی
تەندروستی كەركوك ئەمڕۆ چوارشەممە، لەناوبردنی 15 تۆن ماددەی هۆشبەر و حەبی دەرونی كە لە پارێزگای كەركووك دەستی بەسەردا گیراوە، ڕاگەیاند.
زیاد خەڵەف مەدید، بەڕێوەبەری تەندروستی كەركوك بە ئاژانسی هەواڵی عێراقی ڕاگەیاند: "بەڕێوەبەرایەتی تەندروستی كەركوك لە ڕێگەی لیژنەیەكی هاوبەشەوە كە ژمارەیەك فەرمانگەی پەیوەندیدار لەخۆگرتبوو، 15 تۆن ماددەی هۆشبەر و حەبی دەروونیان لە پارێزگای كەركوك لەناوبرد ".
ئاماژەی بەوەشكرد، "ئەم ئۆپەراسیۆنە گەورەترین ئۆپەراسیۆنی لەناوبردنە لەڕووی چەندایەتییەوە لە پارێزگاكان ئەنجامدەدرێت، هەروەها دووەم گەورەترین ئۆپەراسیۆنە لەڕووی چەندایەتییەوە لەعێراق"، ستایشی "ڕۆڵی ئەو هێزە ئەمنییانەی كرد كە كاردەكەن بۆ نەهێشتنی دیاردەی مادەی هۆشبەر خراپ بەكارهێنان و حەبە دەروونییەكان."
