لێدوانێکی نوێ دەربارەی زیادکردنی 100 دینار بۆ خانەنشینان
ناوخۆ
- 31-10-2023, 09:52
بەغداد/ INA
دەستەی نشتیمانی خانەنشینی ئەمڕۆ ڕۆژی دووشەممە وادەی زیادکردنی 100 هەزاردیناری بۆسەر مووچەی خانەنشینان دیاریکرد.
سەرۆکی خانەنشینی نیشتیمانی ماهر حسین ڕشید بەئاژانسی هەواڵی عێڕاقی ڕاگەیاند کە بڕیاری زیادکردنی 100 هەزاردینارەکە بۆ خانەنشینان ئەوانەی کەمووچەیان لە ملیۆنێک دینر کەمترە تاهەنووکە نەگەیشتووەتە فەرمانگەی خانەنشینی و بڕیارەکەش لە مانگی تشرینی دووەمەوە دەستپێدەکات.
وتیشی هەرکاتێک کە پارەی دیارکراو و بڕیارەکە بەفەرمی بگاتە فەرمانگەکەمان دەستوبرد دەست دەکەین بە پێدانی زیادەکە.
هەروەها ئاماژەی بەوەکرد کە فەرمانگەی خانەنشینی بە پشتیوانی حکومەت ڕێکارەکانی چاکسازی گرتووەتەبەر بۆ خانەنشینانی سەربازی و مەدەنی و بەردەوامیشە لە خزمەتکردن بە خانەنشینان.
