سەرۆک کۆمار و سه‌ید حەکیم جه‌خت ده‌كه‌نه‌وه له‌ئه‌نجامدانی هەڵبژاردنه‌كان لەکاتی خۆیدا
سیاسی
- 30-10-2023, 21:13
به‌غدا- INA
سەرۆک کۆمار، عەبدولەتیف جەمال ڕەشید و سەرۆکی ڕەوتی حیکمەی نیشتمانی سه‌ید عەمار حەکیم، ئەمڕۆ یەکشەممە، جه‌ختیان کردەوە کە هەڵبژاردنه‌كان لە وادەی دیاریکراودا بەڕێوەدەچێت.
سه‌ید حەکیم لە تویتێکدا کە ئاژانسی هەواڵی عێراقی (INA) وه‌ریگرتووه، ڕایگەیاند: “ئێوارەی ئەمڕۆ، پێشوازیمان لە سەرۆک کۆماری کۆمار، عەبدولەتیف جەمال ڕەشید کرد، و باسمان لە پێشهاتەکانی سه‌ر گۆڕەپانی سیاسی عێراق و ناوچەکە کرد وچۆنیه‌تی بەدەست هاتنی سەقامگیری وپاراستنی و گۆری بۆ سەقامگیری هەمیشەیی.
هه‌روه‌ها نووسیویه‌تی: ئێمە هەڵوێستی خۆمان بۆ پشتیوانیكردن لە دۆزی فەلەستین دووپاتکردەوە و ئێمەش لەگەڵ به‌ڕێزیان داوامان لە کۆمەڵگەی نێودەوڵەتی کرد کە بەرپرسیارێتی خۆی لە ئەستۆ بگرێت بۆ ڕاگرتنی کۆمەڵکوژییەکان و دەستبەجێ ڕێگەدان بە هاتنە ناوەوەی هاوکارییەکان و کۆتایی هێنان بە دۆخی دوو پێوه‌ری.
سه‌ید حەکیم لە درێژەی قسەکانیدا وتی: جەخت لەوە کرایەوە کە هەڵبژاردنەکان لە کاتی خۆیدا ئەنجام بدرێت بەهۆی کاریگەرییەکانیان لەسەر گەڕاندنەوەی لامەرکەزییەت لە سیستەمی سیاسی و دابەشکردنی تواناکان لە نێوان شارەکاندا بە شێوەیەکی دادپەروەرانە، داوامان كرد کێبڕکێ لەسەر بنەمای بەرنامەی خزمەتگوزاری بێت ودوور كه‌وتنه‌وه له‌ناوزڕاندن و جەختمان لەسەر زمانی گفتوگۆ کردەوە بۆ چارەسەرکردنی کێشە هەڵپەسێردراوەکانی نێوان ناوەند و هەرێمدا، و ڕوونی کردەوە کە دەستوور بەرژەوەندییەکانی هەمووانی لە چوارچێوەی بەرژەوەندی گشتی نیشتمانیدا لەبەرچاو گرتووە.
