دادگای تاوانی میسان 15 ساڵ زیندانی بەسەر تاوانبارێک سەپاند کە بۆمبی بە پایسکلی ڕۆژنامەنووسی تەقاندۆتەوە
ناوخۆ
- 29-10-2023, 14:00
بەغداد/INA
ئەمڕۆ یەکشەممە، دادگای تاوانەکانی میسان سزای 15 ساڵ زیندانی بەسەر تاوانبارێکدا سەپاند کە بۆمبی بە پایسکلی ڕۆژنامەنووسێک تەقاندۆتەوە .
لە ڕاگەیەندراوێکی ئەنجومەنی باڵای دادوەری، کە بۆ ئاژانسی هەواڵی عێراقی (INA) ناردوویەتی، تێیدا هاتووە:- دادگای تاوانەکانی میسان سزای پانزە ساڵ زیندانی بەسەر تاوانبارێکدا سەپاند ، کە بۆتە هۆی دانانی تەقەمەنی لە ژێر تایەی پایسکلی هاووڵاتییەک لە ناوەڕاستی شاری عمارە ،دوای ئەوەی تاوانبارەکە دانی بەتاوانەکەی ناوە کە ئەو کارەی کردووە و بە هاوبەشی لەگەڵ تۆمەتبارانی دیکەدا ئەویش بە دانانی ئامێرێکی تەقەمەنی لە ژێر تایەی پایسکلی کەسێک کە لەبواری ڕۆژنامەنووسدا کاردەکات و لەئەنجامدا بۆتە هۆی تەقینەوەی و تەواو سوتانی، کە دەچێتە خانەی تیرۆر.
وەک ڕاگەیەندراوەکەدا ئاماژەی پێداوە:- ئەو بڕیارەی دەرچووە لەسەر بنەمای بڕگەکانی مادەی دوو/1 و بەگوێرەی مادەی چوار/1ی یاسای رووبەرووبونەوەی تیرۆر ژمارە 13ی ساڵی 2005ە.
