سەرۆکی کۆمار جەخت لەسەر گرنگی ئێستای پەیوەندییەکانی نێوان عێراق و ئوسترالیا دەکاتەوە
سیاسی
- 29-10-2023, 14:00
بەغداد/INA
ئەمڕۆ یەکشەممە"لەتیف جەمال ڕەشید"سەرۆک کۆمار،لە کۆشکی بەغدا، پێشوازیکرد لە" پاولا گانلی " باڵیۆزی ئوسترالیا لە عێراق،بەبۆنەی کۆتایی هاتنی ئەرکەکانی.
لەبەیاننامەیەکی سەرۆکایەتی کۆمار کە بۆ ئاژانسی هەواڵی عێراقی (INA) ناردوویەتی ، تیایدا هاتوە :- لە دیدارەکەدا سەرۆک کۆمار جەختی لە گرنگی پەیوەندییەکانی نێوان عێراق و ئوسترالیا و پێویستی بەهێزکردن و پەرەپێدانیان و ئاڵوگۆڕکردنی ئەزموونەکانی کردەوە لەو بوارانەی کەپرسی هاوبەشن، بۆ بەدیهێنانی بەرژەوەندییە هاوبەشەکانی هەردوو وڵاتی دۆست.
بەپێی ناوەرۆکی بەیاننامەکە،سەرۆک کۆمار سوپاسی هەوڵەکانی باڵیۆزی کرد بۆ پەرەپێدانی پەیوەندییە دوو قۆڵییەکانی نێوان هەردوو وڵات و هیوای سەرکەوتنی بۆ خواست لە ئەرکەکانی داهاتوویدا.
لەلایەن خۆشیەوە باڵیۆز "پاولا گانلی" دڵخۆشی و شانازی خۆی دەربڕی بە کارکردنی لە عێراق و جەختیشی لە خواستی وڵاتەکەی کردەوە بۆ بەهێزکردنی پەیوەندییە دوو قۆڵییەکانی نێوان هەردوو وڵات.
