وەزارەتی ناوخۆ تەواوبوونی چاپكردنی سەرجەم كارتی نیشتیمانی كەڵەكەبوو ڕادەگەیەنێت
ناوخۆ
- 27-10-2023, 18:43
بەغدا - INA
ئەمڕۆ هەینی وەزارەتی ناوخۆی عێراق تەواوبوونی چاپكردنی سەرجەم كارتە نیشتمانییە كەڵەكەبووەكانی بەغدا و پارێزگارەكانی ڕاگەیاند.
وەزارەتی ناوخۆ لە راگەیندراوێكدا كە بەدەستی ئاژانسی هەواڵی عێراقی گەیشتووە، هاتووە:”دوای كاری پەرۆشانەی بەرێوەبەرایەتی باری شارستانی و پاسپۆرت و ئیقامە، چاپكردنی سەرجەم ئەو كارتە نیشتیمانیانەی لە بەغدا و پارێزگاكان كەڵەكەبوون تەواو بوو”.
ئاماژەی بەوەشكرد، "ستافی بەڕێوەبەرایەتی باری شارستانی پلانێكی نوێی كاركردنیان داڕشتووە بۆ وەرگرتنی سەرجەم هاوڵاتیان بۆ تەواوكردنی مامەڵەكان بەپێی كات و پێشكەشكردنی باشترین خزمەتگوزاری بە ئاسانكردنی ڕێكارەكان".
