وەزیری گواستنەوە: پڕۆژەی ڕێگای گەشەپێدان گۆڕانکارییەکی جۆری لە واقیعی ئابووریدا دروست ده‌كات
ئابوری
- 24-10-2023, 14:44
بەغدا - INA
ئەمڕۆ سێشەممە، وەزیری گواستنەوە ڕەزاق موحەیبەس ئەلسەعداوی، هه‌وڵه‌كان بۆ ته‌واوكاری ئابووری لە ڕێگەی پڕۆژەی ڕێگای گەشەپێدان دووپاتکردەوە، ئاماژەی بەوەشکرد کە پڕۆژەکە گواستنەوەیەکی جۆری لە واقیعی ئابووریدا دروست ده‌كات.
سەعداوی لە وتاری دەستپێکی کۆبوونەوەی ئەنجوومەنی وەزیرانی گواستنەوەی عەرەبی لە سی و شەشەمین دانیشتنی خۆی لە میسر، کە ئاژانسی هەواڵی عێراقی (INA) وه‌ریگرتووە، وتی: ئێمە بە توندی ئەو دەستدرێژی و کۆمەڵکوژییە بەربەرییانە ئیدانە دەکەین و ڕەتیدەکەینەوە کە لەلایەن داگیرکاریی زایۆنیستی دژ بە گەلەکەمان لە غەززە ئه‌نجام ده‌دات، بە ئاماژەدان بەوەی کە پرسی فەلەستین پێویستی بە هاودەنگیی عەرەبی و ئیسلامی هەیە و هەوڵی گەورەی هەمووان دەبێتە هۆی گەڕاندنەوەی مافی ئەم گەلە بۆ سەر خاک و پیرۆزییەکانی و بۆ ژیان بە ئازادی، کەرامەت و ئاسایش.
سەعداوی ڕاگه‌یاند" کارنامەی دانیشتنی ئێستا پڕە لە چەندین بابەت بە ئامانجی بەهێزکردنی کردەوەی هاوبەشی عەرەبی لە بواری گواستنەوەدا.
لە درێژەی قسەکانیدا وتی "حکومەتەکەمان گرنگییەکی زۆر بە پرسی گواستنەوە دەدات، و پڕۆژەی ڕێگای گەشەپێدان گۆڕانکارییەکی جۆری لە واقیعی ئابووریدا پێکدەهێنێت، جەختیشیکردەوە" كه هەوڵدەدەن لەڕێگەی پڕۆژەی ڕێگای گەشەپێدانەوە، بۆ بەدەستهێنانی ته‌واوكاری ئابووری، و پڕۆژەکەش لەگەڵ هیچ پڕۆژەیەک لە ناوچەکەدا یەکتر نەبڕێت.
ڕوونیشی کردەوە: كه‌ئێمە پلان و سیاسەتمان گرتۆتەبەر بە ئامانجی پەرەپێدانی کەرتی گواستنەوە، وحکومەت گرنگییەکی زۆر بە کەرتی گواستنەوە و پەیوەندییەکان دەدات، چونکە پێوەرێکە بۆ پێشکەوتنی ڕێنێسانسی گەلان و کۆمەڵگاکان.
