دەستەی خانەنشینی دەستیکرد بە خەرجکردنی شایستەی دارایی بۆ وەجبەی شەشەمی شەهیدان و قوربانیانی تیرۆر

ناوخۆ

22-10-2023, 15:33

+A -A

بەغداد/INA
ئەمڕۆ یەکشەممە،دەستەی خانەنشینی نیشتمانی خەرجکردنی پارەی بۆ شەشەم وەجبە لە کەسوکاری شەهیدان و برینداران و قوربانیانی تیرۆر و زیندانیانی سیاسی ڕاگەیاند.
"حسام عەبدولستار"جێگری سەرۆکی دەستە،بە ئاژانسی هەواڵی عێراقی (INA)ی ڕاگەیاند:-لەچوار چێوەی جێبەجێکردنی ڕێنماییەکانی "محەمەد شیاع سودانی" سەرۆک وەزیران،و لەدرێژەی بەدواداچوون لەلایەن سەرۆکی دەستەی خانەنشینی، ئەمڕۆ دەستەی خانەنشینی دەستیکرد بە خەرجکردنی وەجبەی شەشەم شایستەی دارایی بۆ کەسوکاری شەهیدان و برینداران و قوربانیانی تیرۆر و زیندانیانی سیاسی، کە کۆی گشتی ژمارەیان 18 هەزار و 860 کەسن، بەسەر سەرجەم پارێزگاکانی عێراقدا دابەشبوونە.
جێگری سەرۆکی دەستە داوای لەو کەسانە کرد کە نامەی کورتیان پێدەگات سەردانی شوێنەکانی خەرجکردن بکەن .
ووتیشی : دەستەکە بەردەوامە لە میکانیزمی خەرجکردن بەپێی ئەو پارەیەی مانگانە وەریدەگرن.
جەختیشی لەوە کردەوە کە "پێویست ناکات سەردانی لقەکانی دەستەکە بکەن ، چونکە میکانیزمی خەرجکردن لەرێگای کارتی ئەلیکترۆنین لەشوێنی خەرجکردن و پارەدان .