دوو داعش و چوار تۆمەتباری دیکەی تایبەت بەماددەی هۆشبەر لە چوار پارێزگا دەستگیرکران

بەغداد/INA
ئەمرۆ شەممە ، بەڕێوەبەرایەتی گشتی هەواڵگری و ئاسایش لە  وەزارەتی بەرگری،دەستگیرکردنی دوو ئەندامی داعش و پێنج کەسی دیکەی بە تۆمەتی بازرگانیکردن بە مادە هۆشبەر لە 4 پارێزگار ڕاگەیاند.
بەڕێوەبەرایەتیەکە لەبەیاننامەیەکدا کەبۆ  ئاژانسی هەواڵی عێراقی (INA) ناردوویەتی،تیایدا رایگەیاندوە :- لەدرێژەی بەدواداچوون بۆ  پاشماوەی باندی تیرۆریستیەکان هێزەکانی بەڕێوەبەرایەتی هەواڵگری و ئاسایشی کەرکوکی سەر بە هەمان بەڕێوەبەرایەتی توانیان کەسێکی  تیرۆریست  لە قەزای حەویجە لە پارێزگای کەرکوک دەستگیر بکەن،کە فەرمانی دەستگیرکردنیان  لە دژی دەرچوو بوو بەپێی بڕگەکانی مادەی (1/4) تیرۆر.
وەک بەیاننامەکە ئاماژەی پێداوە:- هێزاکانی بەڕێوەبەرایەتی هەواڵگری و ئاسایشی سلێمانی، بە هەماهەنگی لەگەڵ بەڕێوەبەرایەتی دەزگای  ئاسایشی سلێمانی، ئەندامێکی تیرۆریستی داعشیان دەستگیرکرد کە داواکرابوو، بەپێی فەرمانی دەستگیرکردن لە مادەی (1/4) تیرۆر لەلایەن دادگای لێکۆڵینەوەی حلە،کە ئۆپراسیۆنی دەستگیرکردنەکە لەسەر بنەمای "زانیاری هەواڵگریی ورد بوو  لە بەڕێوەبەرایەتی هەواڵگری و ئاسایشی بابل.
هەربەپێی بەیاننامەکە لەلایەکی دیکە ، هێزاکانی بەڕێوبەرایەتی هەواڵگر  و ئاسایشی زیقار توانیان دوو بازرگانی مادەی هۆشبەر لە قەزای ناسریە دەستگیربکەن، بە پشتبەستن بە دوو فەرمانی دەستگیرکردن ، لە ماددەی (28) هۆشبەرەکان. 
هەر لەلایەکی دیکە  هێزەکانی بەڕێوبەرایەتی هەواڵگری و ئاسایشی بەغدا سێ کەسی داواکراو کە  دەسەڵاتی دادوەری داوایکردبوون  دەستگیرکرد کە یەکێکیان بازرگانی بە ماددەی هۆشبەرەوە دەکرد لە ناوچەی ئەعزەمییە و دوو کەسی دیکەش کە مۆڵەتی ساختەیان بۆ یەکێک لەو کۆمپانیایانە ساختە کردووە کە کڕین و فرۆشتنیانی بە  دراوی بیانی کردووە لە شەقامی ڕەشید لە ناوەڕاستی بەغدا،هاوکات لایەنە پەیوەندیدارەکان ڕێوشوێنی یاسایان بەرامبەر  گرتۆتەبەر و ڕەوانەی دەسەڵاتی دادوەری کراون بۆ لێکۆڵینەوەی زیاتر و سزادانیان .