پارێزگاری بانكی ناوەندی پێوەرەكان دادەنێت بۆ گەیشتن بە سەقامگیری نرخی ئاڵوگۆڕ

هەولێر - INA- ئیڤان ناسر
ئەمڕۆ شەممە پارێ.گاری بانكی ناوەندی عەلی عەلاق پێشكەوتنی چەند ڕێكارێكی پشتڕاستكردەوە بۆ گواستنەوە بۆ ئابووری دیجیتاڵی بە هەماهەنگی ڕاستەوخۆ لەگەڵ محەممەد شیاع سودانی سەرۆك وەزیران  و هاوكات ئاماژەی بە پێوەرەكان كرد كە سەقامگیری گۆڕینی نرخ.
عەلاق لە وتارەكەیدا لە میانی یەكەمین كۆنفرانسی بانكی بۆ بانكی ناوەندی عێراق كە پەیامنێری ئاژانسی هەواڵی عێراقی (INA) ئامادەی بوو و  وتی  : كۆنفرانسەكە لە چوارچێوەی هەوڵە بەردەوامەكان بۆ بەهێزكردنی كەرتی بانكی بەڕێوەدەچێت بۆ گەیشتن بە سیستەمێكی دارایی سەقامگیر و سەلامەت و كاریگەر لە ژێر ڕۆشنایی ئەو گۆڕانكارییە خێرا و پێشهات و تەحەددایانەی كە جیهان شاهیدییەتی لە گۆڕانكارییەكانی پێكهاتە و سیستەمی دارایی و یاساكانی بازرگانی و ئەو پێشكەوتنە بەرچاوانەی كە لەگەڵیاندایە لە بەكارهێناندا لە تەكنەلۆژیا داراییەكان.
ئاماژەی بەوەشكرد : پەیڕەوكردنی پێشهاتەكان بۆ ڕێكخستنی ئەولەویەتەكان لە ژێرخانی سیستەمی دارایی و یاساكانی بازرگانیدا ئامانجی ستراتیژییە بۆ بەكارهێنانی ئەم ئەزموونە بە ئاراستەی دروست و سەلامەت و لێكۆڵینەوە لە مەترسییەكانی پەیوەست بەوەوە.
ناوبراو لە درێژەی قسەكانیدا وتی : ئەمە لە ڕێگەی چەسپاندنی ڕێساكانی پابەندبوون كە لە یاسای بەرەنگاربوونەوەی سپیكردنەوەی پارە و بەرەنگاربوونەوەی پارەداركردنی تیرۆر ژمارە 39ی ساڵی 2015دا هاتووە، جێبەجێكردنی پراكتیك و ستانداردە نێودەوڵەتییەكان بە شێوەیەك ئەنجام دەدرێت كە یەكپارچەیی سیستەمی دارایی بپارێزێت لە مەترسی و ڕێكارە ناوخۆیی و نێودەوڵەتییەكان و بە شێوەیەك كە شەفافیەت و سەلامەتی كارە داراییەكان مسۆگەر بكات، هەروەها گواستنەوە لە ئابووری نەختینەییەوە بۆ ئابووری دیجیتاڵی.
ئاماژەی بەوەشكرد : ئەم ڕێسایانە ئەوانەن كە یەكپارچەیی سیستەمی دارایی دەپارێزن، تەنانەت عێراقیش لە مەترسییە جدییەكان دەپارێزن، ئاماژەی بەوەشكرد : پەیوەندییەكی نزیك لە نێوان جێبەجێكردنی ئەم ستانداردانە و ڕەوتی نەرم و نیان لە كارەكانی گواستنەوە و پاراستنی سەقامگیری نرخی ئاڵوگۆڕكردن.
ئاماژەی بەوەشكرد : دیاردەی ئابووری دراوی بەربەستێكی گەورە لە بەردەم دامەزراندنی گونجاوی پارەی نەختینەیی و گەشەپێدان و هاندانی ئابووری پێكدەهێنێت، هەروەها تەحەدایەكی گەورەیە بۆ گەیشتن بە ئامانجەكانی سیاسەتی دراو لە گەیشتن بە سەقامگیری دراو، هەروەها كۆنتڕۆڵكردن لاواز دەكات و چاودێریكردنی جوڵەی سندوقەكان و مەترسییەكانی تاوانە داراییەكان و كارە نایاساییەكان زیاد دەكات.
جەختیشی كردەوە كە لەبارەی گواستنەوە بۆ ئابووریی دیجیتاڵی، بە هەماهەنگیی ڕاستەوخۆ و بەردەوام لە نێوان حكومەتی نوێنەرایەتی محەمەد شیاع سودانی سەرۆك وەزیران، بانكی ناوەندی و لایەنە پەیوەندیدارەكان كاریان لەسەر دەكرێت.
سەرلەبەیانی ڕۆژی شەممە یەكەمین كۆنفرانسی بانكی بانكی ناوەندی عێراق لە پارێزگای هەولێر دەستیپێكرد.
پەیامنێری ئاژانسی هەواڵی عێراقی (INA) ڕایگەیاند : كارەكانی یەكەمین كۆنفرانسی بانكی بۆ بانكی ناوەندی لە هەولێر دەستیپێكرد، لەژێر دروشمی (كەرتی بانكی، دەرفەتەكانی گەشەكردن و ئایندەی كۆمپانیا نێودەوڵەتییەكان) بە ئامادەبوونی پارێزگاری بانكی ناوەندی عەلی عەلاق.
پەیامنێرمان ئاماژەی بەوەشكرد : لە كۆنفرانسەكەدا مەسرور بارزانی سەرۆكی حكومەتی هەرێمی كوردستان و شاخوان عەبدوڵڵاجێگری دووەمی سەرۆكی ئەنجومەنی نوێنەران و ژمارەیەكی زۆر لە كەسایەتییە سیاسی و ئابووری و بازرگانییەكان ئامادەی بوون.