لیوا یه‌حیا ڕەسووڵ: بڕێکی زۆری هاوکاریه‌كان بۆ گەلی فەلەستین ئاماده‌كراوه
ناوخۆ
- 20-10-2023, 19:44
به‌غدا-INA
وتەبێژی فەرماندەی گشتی هێزە چەکدارەکان، لیوا یەحیا ڕەسووڵ، ئەمڕۆ هەینی، ئامادەکاركردنی بڕێکی زۆر لە یارمەتییە مرۆییەکانی پشتڕاستکردەوە به‌مه‌به‌ستی ره‌وانه‌كردنی بۆ گەلی فەلەستین لە کەرتی گەمارۆدراوی غەززە لە چوارچێوەی “ هەڵمەتی ترسی عێراق بۆ ئەقسا ".
لیوا ڕەسووڵ بە ئاژانسی هەواڵی عێراقی (INA)ی ڕاگەیاند: “بە فەزڵی خوای گەورە و ئیرادەی گەلی عێراق و کاردانه‌وه‌ی لەگەڵ ئازارەکانی برایان لە فەلەستین، ئەو لیژنەیە لەسه‌ر راسپارده‌ی فەرماندەیی گشتی هێزه چه‌كداره‌كان پێکهێنراو بڕێکی زۆر هاوکاری و یارمه‌تی بۆ گەلی فەلەستین لە کەرتی گەمارۆدراوی غەزە لە چوارچێوەی هەڵمەتێکدا بە ناوی (ترسی عێراق بۆ ئەقسا) وەرگرتووه.
ئاماژەی بەوەشکرد" یارمەتی و هاوکارییە مرۆییەکان لە ڕێگەی هاووڵاتیان و کۆمپانیاکان و ڕێکخراوەکانەوە گەیشتووە، ئێستاش بڕێکی زۆر هاوکاریمان ئامادەیە بۆ ئەوەی لە ڕێگەی مانگی سووری عێراقەوە بنێردرێت، هه‌روه‌ها وتی: هەماهەنگییه‌كی بەردەوام لەگەڵ دەسەڵاتدارانی میسر بۆ ناردنی ئەو هاوکارییانە لە ڕێگەی ده‌روازه‌ی ڕەفعەت هەیە و لە ماوەی داهاتوودا دەنێردرێت.
ڕۆژی 14ی ئه‌م مانگه، نووسینگەی فەرماندەی گشتیی هێزە چەکدارەکان، وەرگرتنی ڕاستەوخۆی هاوکاری و یارمەتییە مرۆییەکانی بۆ گەلی برای فەلەستین ڕاگەیاند.
وتەبێژی فەرماندەی گشتی هێزە چەکدارەکان، لیوا یه‌حیا ڕەسووڵ لە ڕاگەیەندراوێکدا کە بەده‌ستی ئاژانسی هەواڵی عێراقی (INA) گەیشتووە ڕایگەیاندووه: ئەم هەنگاوە لە جێبەجێکردنی ڕێنماییەکانی فەرماندەی گشتی هێزە چەکدارەکان دێت، سەبارەت به‌پێکهێنانی لیژنەیەکی هاوبەش بۆ گەیاندنی هاوکاری و یارمەتییە مرۆییەکان بۆ گەلی فەلەستینی برای کە لە غەزە گەمارۆدراوه و ئەم هەڵمەتە به‌ناوی ( ترسی عێراق بۆ ئەقسا) بوو.
ئاماژەی بەوەشکرد“ كه‌بنكه‌کانی پێشوازیكردن له‌هاوڵاتیان بە مەبەستی وەرگرتنی هاوکاریه‌كان بەم شێوەیە دەبێت:
یەکەم - بارەگای فەرماندەیی بەرگری ئاسمانی، بەرامبەر عەباس بن فه‌رناس.
دووەم - کۆمەڵگەی پێغەمبەری گەورە لە ناوچەی ئەعزه‌میه.
سێیەم: بازاڕە ناوەندییەکان لە شارەوانییەکان.
