کۆمیسیۆن وادەی تیروپشکە بۆ هەڵبژاردنی فه‌رمانبه‌رانی كۆمسیۆن دیاری دەکات

به‌غدا-INA - محمد التلبی
ئەمڕۆ هەینی، کۆمیسیۆنی باڵای سەربەخۆی هەڵبژاردنەکان ئامادەیی خۆی دووپاتكرده‌وه‌ بۆ ئەنجامدانی پرۆسەی دەنگدان بە دەنگدانی گشتی و تایبەت، هاوکات دیاریکردنی ڕۆژی 22ی ئەم مانگە بۆ ئەنجامدانی تیروپشک بۆ هەڵبژاردنی بەرپرسانی دەنگدان، هەروەها غەرامەکردنی ئەو کەسانەی کە سەرپێچی لە بانگەشەکانی هەڵبژاردن دەکەن به‌بڕە پارەیەک كه‌ 50 ملیۆن دیناره‌.
سەرۆکی تیمی ڕاگەیاندنی کۆمسیۆنی هەڵبژاردنەکان، عیماد جەمیل، بە ئاژانسی هەواڵی عێراقی (INA)ی ڕاگەیاند، “پرسی ھاوشێوەکردن بە دەرئەنجامی ھەوڵەکانی کۆمسیۆن دادەنرێت لە سەرەتای خشتەی ئۆپەراسیۆنەکانی تا ئەمڕۆ، بەو پێیەی سەرکەوتوو بوو لە چارەسەرکردنی هەموو ئەو کێشانەی کە کۆمیسیۆن لە ماوەی ڕابردوودا ڕووبەڕووی بووەوە، وجەختیشی کردەوە لەسەرئامادەیی تەواوی کۆمیسیۆن بۆ ئەنجامدانی پرۆسەی دەنگدان بە دەنگدانی تایبەت و گشتیه‌وه‌، بەو پێیەی ئامێرەکان بە هەموو میکانیزم و شێوه‌كانیه‌وه‌ کاردەکەن."
ڕوونیشیکردەوە "پرۆسەی تیروپشکی هەڵبژاردنی کارمەندانی بنکەی دەنگدان لە 22ی ئەم مانگە ئەنجام دەدرێت، دوای ئەوە هەرەمی مەشق و ڕاهێنان دەستپێدەکات، کە بریتی دەبێت لە ڕاهێنانی کارمەند لەسەر ئامێرەکان بەمەبەستی کەمکردنەوەی زیان و وەستانی ئامێرەکان لەسەر دەنگدان ڕۆژ."
ئاماژەی بەوەشکرد "تا ئێستا سێ ھاوشێوەکردن ئەنجامدراوە،ھاوشێوەکردنی چوارەم و کۆتایی ھەیە کە لە مانگی نۆڤەمبەری داهاتوو ئەنجامدەدرێت".
سەبارەت بە بانگەشەکانی هەڵبژاردنیش، جەمیل ئاماژەی بەوەدا کە هەندێک پێشێلکاری لە بانگەشەکانی هەڵبژاردن دەستنیشانکراون، چونکە هەندێک لە کاندید و هاوپەیمانی و هاوپەیمانی و لایەنەکان بانگەشەی هەڵبژاردنیان دەستپێکردووە، ئەمەش پێچەوانەی یاسایە”، جەختیشی کردەوە کە “هۆشدارییەک بۆ دەردەکرێت بۆ سەرپێچیکاران، جگە لە دەرکردنی غەرامەی دارایی قورس بە بڕی ٥٠ ملیۆن دینار لە دژی ئەوان.
لە درێژەی قسەکانیدا وتی" دەبێت بانگەشەی هەڵبژاردن لەلایەن شارەوانی بەغدا و شارەوانییەکانی پارێزگاکانەوە دیاری بکرێت، داوای کرد هەڵمەتی هەڵبژاردن دەست پێنەکرێت تا دوای پەسەندکردنی ناوی کاندیدەکان".
ئاماژەی بەوەشکرد" کۆمسیۆن دەستیکردووە بە دانانی خشتەی کارەکانی هەرێم، بەو پێیەی دەستەی کۆمیسیاران ڕەزامەندی لەسەر ئەو سیستەمانە داوە کە لە بانگەشەی هەڵبژاردنەکاندا بەکارهێنراون، هەروەها چاودێرانی ناوخۆیی و نێودەوڵەتی، میدیاکان، و بریکاری قەوارە سیاسییەکان، هەروەها کردنەوەی ناونوسین بۆ لەدایکبووانی ساڵی ٢٠٠٦."
له‌كۆتاییدا وتی " کارتی بایۆمەتری بۆ 310 هەزار دەنگدەر چاپ دەکرێت و بەسەر ناوەندەکانی دەنگدان لە هەرێمدا دابەشدەکرێت".