سەرۆكی هەرێمی كوردستان پشتگیریی هەرێمی كوردستانی بۆ كار و چالاكییەكانی و هەماهەنگی لەگەڵ یەكێتیی ئەورووپا دەردەبڕێ
سیاسی
- 11-10-2023, 15:52
هەولێر – INA
نێچیرڤان بارزانی، سەرۆكی هەرێمی كوردستان، ئەمڕۆ چوارشەممە پشتگیریی هەرێمی كوردستانی بۆ كار و چالاكییەكانی و هەماهەنگی لەگەڵ یەكێتیی ئەورووپا دەربڕی.
نووسینگەی راگەیاندنی سەرۆكی هەرێمی كوردستان لە راگەیندراوێكدا كە بۆ ئاژانسی هەواڵی عێراقی نێردراوە تێیدا هاتووە " ئەمڕۆ چوارشەممە نێچیرڤان بارزانی، سەرۆكی هەرێمی كوردستان، پێشوازی لە بەڕێز تۆماس سیلەر باڵیۆزی نوێی یەكێتیی ئەورووپا لە عێراق و شاندێكی یاوەری كرد".
بەپێی راگەیندراوەكە بارزانی پیرۆزباییی دەستبەكاربوونی لە سیلەر وەك باڵیۆزی نوێی یەكێتیی ئەورووپا لە عێراق كرد و هیوای سەركەوتنی لە كار و ئەركی نوێیدا بۆ خواست، هەروەها پشتگیریی هەرێمی كوردستانی بۆ كار و چالاكییەكانی و هەماهەنگی لەگەڵ یەكێتیی ئەورووپا، دەربڕی".
هەروەها لای خۆیەوە باڵیۆزی یەكێتیی ئەورووپا خۆشحاڵیی خۆی بە دیداری بەڕێز سەرۆكی هەرێمی كوردستان و كاركردنی لە عێراق نیشان دا و پوختەیەكی دەربارەی پلانی داهاتووی لە عێراق و هەرێمی كوردستان خستەڕوو، بەتایبەتی لە پێشخستنی بوارەكانی ئابووری و سەقامگیری و مافەكانی مرۆڤدا.
لە بەشێكی تری دیدارەكەیان هەدوو تاوتوێی دۆخی پەنابەران و میكانیزمی ڕێگریكردن لە كۆچی نایاسایی و چەند بابەتێكی جێی بایەخی هاوبەش، لایەنێكی دیكەی دیدارەكە بوو.
