سەرۆك وەزیران هەڵوێستی نەگۆڕی حكومەت بەرامبەر پرسی فەلەستین دووپات ده‌كاته‌وه‌

بەغدا - INA
ئەمڕۆ دووشەممە محەممەد شیاع سودانی سەرۆكی ئەنجومەنی وەزیران دووپاتیكردەوە هەڵوێستی حكومەت بەرامبەر بە ڕووداوەكانی فەلەستینی داگیركراو پشتڕاستكردنەوەی هەڵوێستی نەگۆڕی عێراقە بەرامبەر بە پرسی فەلەستین و خەباتی گەلی فەلەستین.
نووسینگەی ڕاگەیاندنی سەرۆك وەزیران لە ڕاگەیەندراوێكدا كە بەده‌ستی ئاژانسی هەواڵی عێراقی (INA) گەیشتووە و ڕایگەیاندووە: محەمەد شیاع سودانی سەرۆكی ئەنجومەنی وەزیران لە میانی سەرۆكایەتیكردنی دانیشتنی ئەنجوومەنی وەزیران دووپاتی كردەوە كە حكومەت هەڵوێستی خۆی دەربڕی سەبارەت بەو ڕووداوانەی لە فەلەستینی داگیركراو ڕوودەدەن و هەڵوێستی حكومەت پشتڕاستكردنەوەی هەڵوێستی نەگۆڕی عێراقە بەرەو پرسی فەلەستین و خەباتی گەلی فەلەستین.
سودانی ووتیشی : ئەم ڕاپەڕینە دەرئەنجامێكی سروشتییە بەهۆی ڕادەی ئەو نادادپەروەرییە گەورەیەی كە لە ماوەی ڕابردوودا بەسەر گەلی فەلەستین كراوە، لە بەردەوامی پێشێلكاری و سەرپێچییەكانەوە بەرامبەر مزگەوتی ئەقسا، سیاسەتی نیشتەجێبوون، بەداخەوە ئەم تاوان و پێشێلكارییانە پێش ئەوان بوون و كۆمەڵگەی نێودەوڵەتی بێدەنگ بوو و پشتگوێی خست و دەستبەرداری بڕیارەكانی بوو.
سەرۆك وەزیران ئاماژەی بەوەدا كە گەلی فەلەستین متمانەی بە سیستەمی نێودەوڵەتی نەماوە، هەروەها بەو بەناو میساقانەی كە ڕێكخراوی نەتەوە یەكگرتووەكان و ئەنجومەنی ئاسایش و ڕێككەوتنە نێودەوڵەتییەكان بەڕێوەدەبەن، بۆ كۆتاییهێنان بەم بێباكییە زایۆنیستییە بەرامبەر بە مافەكانی گەلی فەلەستین و جگە لە بەرخۆدان هیچ ڕێگەیەكیان نەدۆزیوەتەوە.
سودانی جەختی لەوە كردەوە: وەك حكومەت هەڵوێستی خۆمان دەربڕی، هێزە سیاسییەكانیش لێدوان و هەڵوێستیان دەربڕی، ئەوانیش ڕەنگدانەوەی وەرگرتنی گەلەكەمانن، ئاماژەی بەوەشكرد: هەوڵەكانی حكومەت بەردەوامە بۆ پەیوەندیكردن لەسەر ئاستەكە لە پەیوەندییەكانمان لەگەڵ سەرۆكەكان، هەروەها پەیوەندی لەلایەن وەزارەتی دەرەوە لەگەڵ وڵاتانی عەرەبی و ئیسلامی هەیە، و لێكۆڵینەوە هەیە دەكرێت ئەوە بێت كە لوتكەیەك بۆ كۆمكاری عەرەبی ئەنجام بدرێت، یان بۆ كۆنفرانسی وڵاتانی هاریكاری ئیسلامی.
سەرۆك وەزیران لە كۆتاییدا وتی: ئەوەی ئێستا نیگەرانی ئێمەیە، وەستاندنی ئەم هەڵكشانە لە ترسی خۆخلیسكاندن بۆ ئاستێكی مەترسیداری كاردانەوەی ئەمنی كە ڕەنگە دۆخێكی دڵتەزێن لە ناوچەكەدا دروست بكات.