شێخ هومام حەمودی و ڕاوێژکاری ئاسایشی نیشتمانی تاوتوێی پشتیوانی لە هەوڵەکانی حکومەت دەکەن
سیاسی
- 9-10-2023, 15:22
بەغداد/INA
ئەمڕۆ دووشەممە"شێخ هومام حەمودی " سەرۆکی ئەنجومەنی باڵای ئیسلامی، و "قاسم ئەعەرەجی " ڕاوێژکاری ئاسایشی نیشتمانی، باسیان لە پشتیوانیکردنی هەوڵەکانی حکومەت و کاردانەوەکانی “لافاوی ئەقسا کرد.
نووسینگەی ڕاگەیاندنی سەرۆکی ئەنجوومەنی باڵای ئیسلامی لەعێراق، لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا ڕایگەیاندووە:- ئەمڕۆ "شێخ هومام حەمودی " سەرۆکی ئەنجومەنی باڵای ئیسلامی، پێشوازی لە "قاسم ئەعەرەجی " ڕاوێژکاری ئاسایشی نیشتمانی کرد.
لەدانشتنێکدا باسیان لە پێشهاتەکانی گۆڕەپانی ساسی و کاردانەوەکانی لافاوی ئەقسا و کاریگەرییەکانیان لەسەر هاوکێشەو ململانێکان کرد .
هەروەک کۆبوونەوەکە پێداچوونەوەی بە دۆخی گشتی سیاسی و ئەمنی وڵات کرد و هەردوولا جەختیان لە گرنگی کارکردن بۆ پاڵپشتیکردنی هەوڵەکانی حکومەت و پاڵپشتیکردنی بەرنامەکەی کردەوە، بەشێوەیەک کە بەرژەوەندیی هاووڵاتیان بەدەستبهێنێت و دەوڵەت بەرەوپێش ببات.
