وەزیری ناوخۆ: پێداگرین ئاسۆكانی هاوكاری ئەمنی لەگەڵ ئێران پەرە پێبدەین و بەرز بكەینەوە

بەغدا  -  INA
وەزیری ناوخۆ عەبدولئەمیر شمری ئەمڕۆ شەممە پشتڕاستی كردەوە كە وەزارەتی ناوخۆ پێداگرە لە بەرزكردنەوەی ئاسۆی هاریكاری ئەمنی لەگەڵ ئێرانە، خوازیاری كۆتاییهێنان بە یاداشتەكانی لێكتێگەیشتن بۆ هاریكاری زانستی و توێژینەوە بەگوێرەی ڕێكخراوە بیركردنەوە و لێكۆڵینەوەكانی ئاسایش.
لە ڕاگەیەندراوێكی وەزارەتی ناوخۆدا كە بەده‌ستی ئاژانسی هەواڵی عێراقی (INA) گەیشتووە و تێیدا هاتووە: عەبدولئەمیر شمری وەزیری ناوخۆ بە سەرۆكایەتی شاندێكی باڵای ئەمنی بەشداری لە كارەكانی كۆنفرانسی نێودەوڵەتی كرد كە لەلایەن زانكۆی باڵای بەرگری نیشتمانی لە تارانی پایتەختی ئێران و بە بەشدارییەكی بەرفراوان لەلایەن وڵاتان و كەسایەتییە جیاوازەكانەوە هاتە ژێر ناوی (ئەندازیاری سستەمی جیهانی نوێ).
وەزیر لەم كۆنفرانسەدا وتارێكی پێشكەش كرد كە لە پێشەكیدا سڵاوی سەرۆك وەزیران و فەرماندەی گشتیی هێزە چەكدارەكان محەمەد شیاع سودانی بە ئامادەبووان گەیاند، جەختی لەوە كردەوە كە ئەمە كۆبوونەوە دەرفەتێكی بەنرخە بۆ ئاڵوگۆڕی زانیاری و ئەزموون و هاوسەنگ بوون لەگەڵ گۆڕانكارییە ناوچەیی و نێودەوڵەتییەكان كە كاریگەرییان لەسەر لایەنی ئەمنی پەیوەندییە نێودەوڵەتییەكان هەیە، كە ڕەنگە زۆرێك لە ئاستەنگەكان بۆ زۆربەی وڵاتان دروست بكات.
ئاماژەی بەوەشكرد : گرنگی بەردەوامی هاوكاری زانستی و توێژینەوە بۆ خزمەتكردنی پرسەكانی بەرژەوەندی هاوبەش بۆ وڵاتانی دۆست و برا و بنیاتنانی بنكەیەكی دەستپێك و ڕێبازێكی یەكگرتوو بۆ پلاندانەرانی سەربازی و سەركردە ستراتیژییەكان.
جەختیشی لەوە كردەوە: كە وەزارەتی ناوخۆی عێراق پێداگرە لە پەرەپێدان و بەرزكردنەوەی ئاسۆی هاوكاری ئەمنی نێوان هەردوو وڵاتی دراوسێ دەكات.
شمری داوای كۆتایی كردنی یاداشتەكانی لێكتێگەیشتن بۆ هاوكاری زانستی و توێژینەوە، هەروەها میكانیزمەكانی تری هاوكاری بەپێی بیركردنەوەی ئەمنی و لێكۆڵینەوەی بەردەوام لەسەر بنەمای لایەنە ئەمنییەكانی هاوبەش.
لە ڕاگەیەندراوەكەدا ئاماژە بەوەشكراوە: لە پەراوێزی كۆنفرانسەكەدا ئیدارەی زانكۆ ڕێزی لە وەزیری ناوخۆ عەبدولئەمیر شمری گرت بەهۆی سەركردایەتییە بەرزەكەی لە بەڕێوەبردنی چلەی سەردانەكەدا كە بە یەكێك لە گەورەترین قەرەباڵغییەكانی ملیۆنان كەس لە جیهاندا دادەنرێت.