كۆمسیۆن بە وردی سزاكانی سەرپێچیكارانی بانگەشەی هەڵبژاردن و بڕی خەرجكردنی بۆیان دەخاتە ڕوو

بەغدا - INA- نەسار حاج
ئەمڕۆ شەممە كۆمسیۆنی باڵای سەربەخۆی هەڵبژاردنەكان بە وردی میكانیزمی ڕێكخستنی بانگەشەی هەڵبژاردنەكانی خستەڕوو، هاوكات ئاماژەی بە بوونی 622 تیمی چاودێری و لیژنەیەكی ناوەندی بۆ چاودێریكردنی بانگەشەكان لە سەرتاسەری عێراق كرد، سزاكانی ڕوونكردەوە بەرامبەر ئەو كەسانەی سەرپێچی دەكەن و زیادەڕەوی لە خەرجكردنی بڕە پارەكە دەكەن.
سەرۆكی تیمی ڕاگەیاندن لە كۆمسیۆن عیماد جەمیل، بە ئاژانسی هەواڵی عێراقی (INA)ی ڕاگەیاند: كۆمسیۆن بەرزەفتی لە ڕێكخستنی بانگەشەی هەڵبژاردن و ڕێگریكردن لە زیادەڕەوی لە كێشەكانی خەرجییەكاندا دەگرێتەبەر، ڕوونیشی كردەوە كە زیادەڕەوی هیچ ڕوانگەیەكی نییە، وەك ئەوەی پارە هەیە و هەندێكجار پارە دەدرێت بە خەڵك بە مەبەستی بەدەستهێنانی سوود لە پرۆسەی دەنگدان و هەڵبژاردندا، كۆمیسیۆن چاودێری ئەو شتانە دەكات كە دیارە، جگە لەو ڕاپۆرتانەی كە لە لایەنە پەیوەندیدارەكان یان لایەنە بەشداربووەكان لە پرۆسەی سیاسیدا وەریدەگرێت، وەك لایەنەكان كاندیدەكان ، هاووڵاتیان، تەنانەت میدیاش.
جەمیل گوتیشی:  كۆمسیۆن سیستمێكی هەڵبژاردنی هەیە كە كار بۆ دەكات، ئەویش بەكارنەهێنانی وەزارەت و پارەی دەوڵەت، هەروەها داوای یارمەتی لە پارەی دەرەكی نەكات، جگە لەوەش چاودێرییەكی گەورەی هەیە لەلایەن تیمەكانییەوە، كە ژمارەیان نزیكەی 906 تیمی چاودێریكردن كە لە سەرجەم پارێزگاكان بڵاوبوونەتەوە، جگە لە لیژنە ناوەندییەكان كە دەگەنە 16 لیژنە كە چاودێری ئەم كەیسانە دەكەن بە ڕاپۆرت و ڕەوانەی فەرمانگەی نیشتمانی دەكەن بۆ ئەوەی ڕەوانەی دەسەڵاتی یاسایی بكەن بۆ پشتڕاستكردنەوە.
ئاماژەی بەوەشكرد: سزاكانی كۆمسیۆن بریتین لە بڕە پارەی دارایی تا 50 ملیۆن، یان ڕەوانەكردنی دادگاكان، كە لەوانەیە سزای تا یەك ساڵ زیندانیكردن بسەپێنێت، جگە لەوەی ڕێگری لە كاندیدەكە دەكات ئەگەر دروشمی تائیفی بەكاربهێنێت كە هاندەری فیتنەیە و یان سووكایەتی بە كاندیدەكانی تر دەكات، یان سەلمێنراوە كە فەرمانی بەكارهێنانی پارە یان پارەی دەوڵەتی پێدراوە و كەسێكی بیانی و بۆیە سزاكە دەگاتە دوورخستنەوەی لە كاندیدكردن.