حەلبوسی و باڵیۆزی ئەمریكا پتەوكردنی هاریكاری و هاوبەشی نێوان هەردوو وڵات تاوتوێی دەكەن
سیاسی
- 5-10-2023, 19:19
بەغداد - INA
ئەمڕۆ پێنجشەممە، سەرۆكی ئەنجومەنی نوێنەران محەمەد حەلبوسی و باڵیۆزی ئەمریكا لە عێراق ئەلینا رۆمانوسكی، پتەوكردنی هاریكاری و هاوبەشی نێوان هەردوو وڵاتیان تاوتوێ كرد.
نوسینگەی راگەیاندنی سەرۆكی ئەنجومەنی نوێنەران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: محەمەد حەلبوسی سەرۆكی ئەنجومەنی نوێنەران، ئەمرۆ پێنجشەممە، پێشوازیكرد لە ئەلینا رۆمانوسكی باڵیۆزی ئەمریكا لە عێراق.
ئاشكراشیكرد: لە دیدارەكە تاوتوێی پتەوكردنی هاریكاری و هاوبەشی نێوان هەردوو وڵات كرا، لەگەڵ پشتیوانی لە عێراق لە بوارە جیاجیاكان و هەروەها تاوتوێی چەند پرسێكی تری جێی بایەخی هاوبەش كرا.
