سەرۆك كۆمار پرۆژەكانی فراوانكردن و پەرەپێدانی عەتەبەی عەلەوی پیرۆز بەسەردەكاتەوە
سیاسی
- 4-10-2023, 18:38
بەغداد - INA
سەرۆك كۆمار عەبدوللەتیف جەمال رەشید، ئەمڕۆ چوارشەممە، پرۆژەكانی فراوانكردن و پەرەپێدانی عەتەبەی عەلەوی پیرۆز بەسەر دەكاتەوە.
سەرۆكایەتی كۆمار لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆك كۆمار عەبدوللەتیف جەمال ڕەشید، ئەمڕۆ چوارشەممە 4-10- 2023 رێوڕەسمی سەردانی مەزاری ئیمام عەلی كوڕی ئەبو تالب (سەلامی خوای لەسەر بێت) لە پارێزگای نەجەف ئەنجامدا.
هەر لە بەیاننامەكەدا هاتووە، كە سەرۆك كۆمار لە سەردانەكەیدا، لە لایەن ئەمینداری گشتی عەتەبەی عەلەوی عیسا خوراسانی و ژمارەیەك لە بەرپرسانی مەزارەكە پێشوزای لێكرا.
ئاماژەی بۆ ئەوەشكرد: سەرۆك كۆمار چاوی بە پرۆژەكانی فراوانكردن و پەرەپێدانی مەزاری پیرۆزی ئیمام عەلی كەوت، كە عەتەبەی عەلەوی جێبەجێی دەكات ، هاوكات خوراسانی دیارییەكی پێشكەش بەسەرۆك كۆمار كرد وەك دەربڕینی پێزانین و پێشوازیكردنی بەرپرسانی عەتەبە لە سەردانەكەیدا.
