سەحاف: عێراق و چیك خولێكی ڕاوێژكاری سەبارەت بە 5 دۆسیە ئەنجامدەدەن
سیاسی
- 4-10-2023, 18:00
بەغداد - INA
وتەبێژی وەزارەتی دەرەوە ئەحمەد سەحاف، ئەمڕۆ چوارشەممە، تەئكیدیكردەوە: كە عێراق و چیك خولێكی ڕاوێژكارییان سەبارەت بە 5 دۆسیە ئەنجامداوە.
سەحاف لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: عێراق و چیك خولێكی راوێژی سیاسییان بە سەرۆكایەتیی بریكاری وەزارەتەكانی دەرەوەی هەردوو وڵات لە بەغداد ئەنجامدا، كە تیایدا باس لە چەند بابەتێك كرا، كە دیارترینیان بریتی بوو لە پێشهاتە سیاسییەكانی عێراق و سەقامگیری ئەمنی و هاریكاری ئابووری، و هاندانی كۆمپانیا چیكییەكان بۆ وەبەرهێنان لە عێراق، بەتایبەتی لە بوارەكانی غاز، نەوت، ئاو، و تەندروستی، و گرنگی هەڵگرتنی قەدەغەكردنی هێڵە ئاسمانییەكانی عێراق و ڕۆڵی عێراق باشكردنی سەقامگیری ناوچەكە.
