عەبادی: یەكگرتوويی عێراق سەركەوت بەسەر دابەشكردن و دووبەرەكیدا
- 5-05-2018, 00:00
بەغداد – ا ه ع
دكتۆر حەیدەر عەبادی سەرۆك وەزیران تەئكیدیكردەوە یەكگرتوویی عێراق سەركەوت بەسەر هەوڵەكان بۆ دابەشكردن، هەمەڕەنگیش بووە سەرچاوەی بەهێزی و شانازی.
نوسینگەی راگەیاندنی سەرۆك وەزیران ئەمرۆ شەممە لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە، رایگەیاند:" عەبادی لەمیانی ئامادەبوونی لە كۆڕبەندی رێكخراوی لاوانی بەغداد رۆشنایی خستەسەر ئەوەی كە بەبێ كاری خۆبەخشانە عێراق نەیدەتوانی سەركەوتنی گەورە بەدەستبهێنێت كە بەسوربوون و گیانفیدایی جەنگاوەرانی بەدیهات".
عەبادی راشیگەیاند:" عێراق هەستاوەتەوە سەرپێ و دەبێتە سەرچاوەی روناكی بۆ ناوچەكە و جیهان،وتیشی لەم سەرزەویە داهێنان لەدایكبوو وشە لەدایكبوو نوسین و پیت لەدایكبوو"، تەئكیدیشیكردەوە" عێراقییەكان بەدیهێنەری یەكەم شارستانین و توانای بنیاتنانی شارستانی نوێیان هەیە ئەوەش بەیەكگرتویی و ئازایەتی و هۆشیاری لاوەكانی".
هەر لەبەیاننامەكەدا هاتووە عەبادی چەند داهێنانێكی لاوانی بەسەركردەوە و سوپاسی ئەو رێكخراوەشی كرد لەبەرامبەر هەوڵ و هاندانەكانی بۆ لاوان.
