سەرۆک وەزیران: حکومەت ڕێگە بەو کەسانە نادات کەله‌سه‌ر دابەشبوون و ململانێ دەژین، خراپە لە نێوانماندا بچێنن

​​​​به‌غدا- INA
سەرۆکی ئەنجومەنی وەزیران محەمەد شەیاع سودانى لە ئاهەنگێکدا بەبۆنەی ڕۆژی لەدایکبوونی پێغەمبەرەوە جەخت دەکاتەوە لە وەبیرهێنانەوەی ماناکانی پەیامی موحەمەدی لە کار و خزمەتی گشتیدا.
نوسینگەی ڕاگەیاندنی سەرۆکی ئەنجومەنی وەزیران له‌راگه‌یێندراوێكدا كه‌بۆ ئاژانسی هه‌واڵی عێراقی ناردووه‌ راگه‌یاند" سەرۆکی ئەنجومەنی وەزیران محەمەد شەیاع سودانى ئەمڕۆ سێشەممە بەشداری کرد لە ئاهەنگێک کە لەلایەن دیوانی وەقفی سونییەوە بەڕێوەچوو بەبۆنەی ساڵیادی لەدایکبوونی پێغەمبەری مەزن محەمەد (دروودی خوای لەسەر بێت).
سه‌رۆك وه‌زیران لەم بۆنەیەدا وتارێکی پێشکەش کرد کە تیایدا جەختی کردەوە لە گرنگی وەبیرهێنانەوەی ماناکانی پەیامی محمد و ئامانجە مرۆییە باڵاکانی ژیاننامەی پێغەمبەری خودا کە لە ئێمەدا بەجێی هێشتووە لە هەموو بوارەکانی کار و خزمەتگوزاری گشتی و لە چوارچێوەی ڕێگای بەردەوامبوونی دۆستایەتی و برایەتی کۆمەڵگا بۆ بەدەستهێنانی ڕەزامەندی خودای گەورە، و ڕەزامەندی خەڵک..

ئەمانەی خوارەوە گرنگترین ئەو بابەتانەن کە لە وتارەکەی سودانی ئاماژەی پێکرا:

🔷 پیرۆزبایی لە نەتەوەی ئیسلام دەکەین بەبۆنەی ساڵیادی لەدایکبوونی مامۆستای پێغەمبەران و پەیامبەران محەمەد کوڕی عەبدوڵا (درودی خوا لە خۆی خانەوادە و هاوڵەکانی بێت).

🔷 لەدایکبوونی (درودی خوای لەسەر بێت) ڕووداوێکی سەرەکی لە مێژووی عەرەبی و ئیسلامیدا پێکهێنا.

🔷 پێغەمبەری خودا گەورە بووە و لەناو ڕۆحە گەورەکەیدا سیفەتەکانی چاکە و ڕاستگۆیی و خۆشەویستی و ڕەحمەتی هەڵگرتووە، پێگەی لە نێو کەس وکاریدا بەرز بووە و بوو بە نموونەی هەموو چاکەیەک.

🔷 لە ژیاننامەی بۆن خۆشیدا ئەو جۆرە ڕەحمەتەی بەرجەستە کرد کە وای لێکرد ببێتە بەڵم و چارەسەرێک بۆ ڕۆحی هەژار و ماندوو و چەوساوەکان.

🔷 ڕێبازی ئەخلاقی و کۆمەڵایەتی یان نێردەییەکەی لە سنوورەکانی بیروباوەڕدا نەوەستا.

🔷 ئەو لە دڵی خەڵکدا شێوازی بنیاتنانی مرۆڤ بەهێز دەکات، لە ڕێگەی هاندانی بۆ بەزەیی و خۆشەویستی و دروستکردنی کۆمەڵگایەکی باش کە تێیدا هەمووان شکۆمەندی خۆیان بپارێزن.

🔷 بنیاتنانی مرۆڤێکی تەندروست بە بەردەست بوونی بارودۆخێکە کە وا لە هەموو خەڵک بکات بە شکۆمەندی و شانازییەوە بژین.

🔷 پێغەمبەری پیرۆز (دروودی خوای لەسەر بێت) کارەکەی وەک بەردی بناغەی کۆمەڵگایەکی سەرکەوتوو بەهادار کردووە و ئەم ڕێگایە باشترین ڕێگایە بۆ ئيمە بۆ خزمەتکردنی کۆمەڵگا.

🔷 ئەگەر بمانەوێت پابەندی ڕێبازەکەی پێغەمبەری پیرۆز بین، ئەوە پێویستە بەرپرسیار و ڕاستگۆ بین لە دامەزراندنی بناغەکانی ڕاستی و دادپەروەری و ڕەخساندنی دەرفەتی یەکسان بۆ هەموو هاووڵاتیان.

🔷 وڵاتەکەمان ڕووبەڕووی هێرشێکی توند بووەوە و ئەجێندا دەرەکێکان دەستیان تێوەردا و کاریان کرد بۆ بڵاوکردنەوەی ژەهری ناکۆکی و تایەفەپەرستی.

🔷 بە یەکگرتوویی عێراقییەکان، توانیمان ڕۆژە سەختەکانی پاش گۆڕانکارییەکانی ساڵی 2003دا تێبپەڕین، کە باندەکانی کوشتنی تایفەگەری لە سەرانسەری عێراقدا بڵاوبوونەوە.

🔷 ڕووبەڕووبوونەوە گەورەکە ئەوە بوو کاتێک چەتە تیرۆریستییەکان هێرشیان کردە سەر پارێزگاکانمان لە باکوور و ڕۆژئاوای عێراق و خەڵکیش ڕووبەڕووی تاوانی دڕندانە بوونەوە لەلایەن چەتەکانی داعشەوە.

🔷 عێراقییەکان بە هەموو ئایین و تایەفە و نەتەوەکان بەیەکەوە وەستابوون بۆ بۆ ڕزگارکردنی خاک و مرۆڤ و خوێنی پاکیان لە یەکێک لە گەورەترین داستانەکانی مێژوودا تێکەڵ بوو.

🔷 ئەمڕۆ هەموومان بەرپرسیارین لە بەردەوامیدان بە دۆستایەتی و برایەتی کۆمەڵگا.

🔷 ئێمە ئەوەمان خستووەتە ئەستۆی خۆمان، وەک حکومەتێک، کە بۆ هەموو عێراقییەکان بین، بەبێ گوێدانە پەیوەندییەکانیان، و بژێوییەکی شایستە بۆ هەموو عێراقییەک دابین بکەین و ئاسایش و شکۆی بپارێزین.

🔷 ئێمە ڕێگە نادەین بە ئەو کەسانەی کە لەسەر دووبەرەکی و ململانێ دەژین، تۆوی خراپی خۆیان لە نێوانماندا بچێنن.

🔷 پێویستە لەسەر پیاوانی ئایینی و نوخبە و ڕۆشنبیران وتارێەکانیان یەکگرتوو بێت، ژەهری تایەفەگەری و ڕەگەزپەرستی کینەیی لێوە دەرنەچێت.

🔷 هیچ دەرفەتێکی نییە بۆ یەکگرتوویی و خۆشەویستی ڕاستتر لە شوێنکەوتنی پێغەمبەری مەزن (درودی خوای لێ بێت) بە هەموو ئەو بەها و ڕەوشت و چاکەیەی کە نوێنەرایەتی دەکات.