زیدان و تاڵەبانی تاوتوێ میكانیزمی پێشكەشكردنی سكاڵا دەكات سەبارەت بە بۆردومانی فڕۆكەخانەی عەربەت
سیاسی
- 21-09-2023, 10:25
بەغدا - INA
ئەمڕۆ پێنجشەممە، سەرۆكی ئەنجومەنی باڵای دادوەری، فایق زەیدان، لەگەڵ بافڵ تاڵەبانی سەرۆكی یەكێتی نیشتمانی كوردستان، میكانیزمی پێشكەشكردنی سكاڵا و گرتنەبەری ڕێوشوێن سەبارەت بە بۆردومانی فڕۆكەخانەی عەربەت تاوتوێ كرد.
لە ڕاگەیەندراوێكی ئەنجومەنی باڵای دادوەری، كە بۆ ئاژانسی هەواڵی عێراقی نێردراوە، تێیدا هاتووە، “فایق زەیدان سەرۆكی ئەنجومەنی باڵای دادوەری پێشوازی لە بافڵ تاڵەبانی سەرۆكی یەكێتی نیشتمانی كوردستان كرد”.
لە ڕاگەیەندراوەكەدا ئاماژە بەوەشكراوە، "لەسەر میكانیزمی پێشكەشكردنی سكاڵا و گرتنەبەری ڕێوشوێنی یاسایی سەبارەت بە بۆردومانی دڕندانەی فڕۆكەخانەی عەربەت و شەهیدكردنی ژمارەیەك لە ئەندامانی دەزگای دژە تیرۆر لە پارێزگای سلێمانی تاوتوێكرا".
