حەشدی شەعبی لە ئەنبار 4 تیرۆریستیان كوشت

بەغداد  - INA
ئەمڕۆ چوارشەممە، شانەی ڕاگەیاندنی ئەمنی كوژرانی 4 تیرۆریست راگەیاند، كە بەشدارییان كردووە لە تیرۆركردنی هاووڵاتییان لە ئەنبار.
شانەی راگەیاندنی ئەمنی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: بەپێی ڕێنماییەكانی فەرماندەی گشتی هێزە چەكدارەكان، لە بەدواداچوونی ئەو تیرۆریستانەی كە هاووڵاتییانی بێتاوانیان لە پارێزگای ئەنبار كوشت، تۆڵەی دادپەروەرانەیان لێ وەرگرتن، هەروەها لە ڕێگەی كارە بە پەرۆشەكانی فەرماندەیی ئۆپەراسیۆنە هاوبەشەكان و بەدواداچوونی مەیدانی فەرماندەیی هێزە زەمینییەكان، هێزێكی قارەمان لە هێزەكانی حەشدی شەعبی، بە تایبەتی هێزی(T1)، بە فەرماندەیی مەندول جەغیفی، توانیان بۆسەیەكی توند دابنێن و 4 تیرۆریست بكوژن دوای چەند رۆژێك لە چاودێریكردن.
رنیشیكردەوە: ئەو تاوانبارانە چەند ڕۆژێك لەمەوبەر دوو هاوڵاتییان لە پارێزگای ئەنبار كوشت و وێنەی میكانیزمی كوشتنەكانیان لە پێگەكانی سۆشیال میدیا بڵاوكردەوە، راشیگەیاند: هێزە ئەمنییەكانمان كە بە هەوڵێكی چڕ و پڕی هەواڵگری كاردەكەن و ئەوە دووپات دەكەنەوە كە چارەنووسی تاوانبارانی داعش لەناوچوونە و ڕێگە بە هیچ هێرشێك نادەن بۆ سەر هاووڵاتیانی بێتاوان، پاڵەوانەكانمان لە هێزە چەكدارەكان خۆیان تەرخانكردووە بۆ بەرگریكردن لە نیشتمان و پاككردنەوەی وڵات لە پیسی تیرۆر و تاوان بە شێوە جیاوازەكانییەوە.