باسم عەوادی:سەرۆک وەزیران وتارێک لەبەردەم ئەنجومەنی گشتی نەتەوەیەکگرتوەکان پێشکەش دەکات و هەڵوێستە نێودەوڵەتییەکانی عێراق دەخاتەروو

بەغداد/ INA
ئەمڕۆ دووشەممە"باسم عەوادی" وتەبێژی حکومەتی عێراق ڕایگەیاند:-" محەمەد شیاع  سودانی"سەرۆک وەزیران لەبەردەم کۆبوونەوەی گشتی وتارێک پێشکەش دەکات و پێداچوونەوە بە هەڵوێستی ناوچەیی و نێودەوڵەتی عێراق دەکات.
"عەوادی " لە تویتێکدا  لە تۆڕی کۆمەڵایەتی تویتەر، کە  ئاژانسی هەواڵی عێراقی (INA) پشتڕاستی کردۆتەوە ، ڕایگەیاند:78مین کۆبونەوەکانی ئەنجومەنی گشتی نەتەوە یەکگرتووەکان لە ڕۆژی سێشەممە 19ی  ئەیلولەوە دەستپێدەکات تا 23ی  ئەیلول، کە تیایدا سەرکردەکانی جیهان بەدوای چارەسەری قیرانەکان و گرفتە جیهانیەکان  دەگەڕێن بەئامانجی دەستەبەرکردن و  بەرزکردنەوەی ئاشتی و ئاسایش.
عەوادی دەلێت :- سەرۆک وەزیران  وەک باقی سەرکردەکانی جیهان بەشداری لە کۆبوونەوەی ئەنجومەنی گشتیدا دەکات بەو پێیەی گەورەترین کۆڕبەندی ساڵانەی جیهانییە بۆ کۆبونەوەی سەرکردەکان بۆ گفتوگۆکردن لەسەر ئاستەنگە جیهانی و ناوچەییەکان و عێراقیش لەو روووەوە بەووتارێک بۆچوون لەسەر ئالەنگارییەکان پێشکەش دەکات ، کە تیایدا پێداچوونەوە بە هەڵوێستە نێودەوڵەتی و ناوچەییەکان و سیاسەتی ناوخۆی عێراق دەخاتەروو . 
لە درێژەی قسەکانیدا عەوادی ئاشکرایدەکات :- کە کۆبوونەوەکانی کۆمەڵەی گشتی نەتەوە یەکگرتووەکان بۆ  گوێگرتنە لە بۆچوونی سەرکردەکانی جیهان و وەڵامدانەوەی پرسیارەکانیان سەبارەت بە سەرجەم کاروباری عێراق، بۆ پتەوکردنی پەیوەندییە دووقۆڵییەکان، بۆ ڕوونکردنەوەی واقیعی عێراق وەک خۆی.