وەزارەتی نەوت تەواوکردنی بۆ هەڵکەندنی بیرێکی نوێی بە قوڵایی 3538 مەتر لە کێڵگەی زوبەیر راگەیاند

بەغداد/ INA
ئەمڕۆ دووشەممە، وەزارەتی نەوت تەواوبوونی هەڵکەندنی بیرێکی نوێ بە قوڵایی 3538 مەتر لە کێڵگەی زوبەیر ڕاگەیاند.
لە ڕاگەیەندراوێکی وەزارەت،کە بۆ ئاژانسی هەواڵی عێراقی (INA) ناردوویەتی، ئاماژەی بەوەداوە :-کارمەندانی تەکنیکی و ئەندازیاری کۆمپانیای هەڵکەندن لە  عێراقی، هەڵکەندنی بیری نەوتی زوبەیر/563، بە قوڵایی 3538 مەتر،لە چوارچێوەی گرێبەستێکدا لەگەڵ کۆمپانیای ENI ئیتاڵی تەواو کردووە و کۆتاییان هێنا بە هەڵکەندنی 37 بیری نەوت لە کێڵگەی نەوتی زوبەیر لە بەسرە بە هاوکاری کۆمپانیای خزمەتگوزاری نەوتی شلومبرگیر  کە 23 مین  بیرە کە کۆمپانیاکە لە چوارچێوەی ئەم پڕۆژەیەدا تەواو کردووە.
وەک راگەیەندراوەکەی وەزارەتی نەوت ئاماژەی پێداوە:- شێوازی کونکردن بە بەکارهێنانی ئامێری  IDC 38 ئەنجامدراوە، کە توانای هێزی 1500 ئەسپی هەیە.
روونیشیکردۆتەوە :- کە ئامێرەکە دەگوازرێتەوە بۆ شوێنێکی دیکە لە هەمان کێڵگە بۆ دەستپێکردنی کونکردنی بیرە نەوتی  زوبەیر/608،کە کۆمپانیاکە دوو ئامێری کونکردنی تەرخان کردووە بە ناوەکانی IDC 37 و IDC 38 بۆ جێبەجێکردنی ئەم پڕۆژەیە ، هەروەک یەکێکە لەو ئامێرە مۆدێرنانەی کە کۆمپانیاکە خاوەندارێتی دەکات.