مەندەلاوی تەئكید لە گرنگی بوژاندنەوەی پەیوەندییە دووقۆڵییەكانی نێوان عێراق و شانشینی یەكگرتوو دەكاتەوە

سیاسی

14-09-2023, 18:11

+A -A

بەغداد - INA

ئەمڕۆ پێنجشەممە، جێگری یەكەمی سەرۆكی ئەنجومەنی نوێنەران موحسین مەندەلاوی، جەختی لە گرنگی بوژاندنەوەی پەیوەندییە دووقۆڵییەكانی نێوان عێراق و شانشینی یەكگرتوو لە ئاستە جیاجیاكاندا كردەوە.
نوسینگەی ڕاگەیاندنی جێگری یەكەمی سەرۆكی ئەنجوومەنی نوێنەران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: مەندەلاوی بە ئامادەبوونی ژمارەیەك پەرلەمانتار پێشوازیكرد لە لە سەرباز بەرزنجی پارێزگاری ناوچەی لامبێس لە شاری لەندەنی بەریتانیا و شاندی یاوەری.
بەپێی بەیاننامەكە، مەندەلاوی جەختیكردەوە، لە گرنگی بوژاندنەوەی پەیوەندییە دووقۆڵییەكانی نێوان عێراق و شانشینی یەكگرتوو لە ئاستە جیاجیاكاندا، بەتایبەتی ئاستی سیاسی و ئابووری، هەروەها پێویستی ئاڵوگۆڕی ئەزموونەكان لە بواری خزمەتگوزاری، پەروەردەیی، تەندروستی، بوارەكانی تر.
هەر لە بەیاننامەكەدا هاتووە، كە لە دیدارەكەدا باس لە ڕۆڵی سەرەكی عێراق كرا لە گەیشتن بە سەقامگیری ناوچەیی و جیهانی، و گەڕاندنەوەی پێگەی خۆی لە ڕێگەی توانای ڕۆڵی نێوەندگیری و كەمكردنەوەی گرژییەكان و گەیاندنی لایەنەكان بۆ سەر یەك مێز.