وەزارەتی گواستنەوە دەسپێکردنی گەشتەکانی چون و هاتن لە نێوان بەغداد و فەلوجە بەشەمەندەفەر ئاشکرادەکات
ناوخۆ
- 11-09-2023, 12:04
بەغداد/ INA
ئەمڕۆ دووشەممە،وەزارەتی گواستنەوە وادەیەکی بۆ گواستنەوەی سەرنشینان بە شەمەندەفەر لەنێوان بەغدا- فەللوجە ئاشکراکرد.
لە ڕاگەیەندراوێکی وەزارەت، کە بۆ ئاژانسی هەواڵی عێراقی (INA) ناردوویەتی، تێیدا هاتووە:- بە پشتبەستن بە دڵنیاییەکانی وەزیری گواستنەوە، بۆ خێراترکردنی نۆژەنکردنەوەی رێگای شەمەندەفەر لە نێوان بەغدا و فەللوجە، کۆمپانیای هێڵی ئاسنی عێراقی هەوڵەکانی چر کردۆتەوە بۆ دەستپێکردنەوەی گەشتەکانی بە شەمەندەفەر لە پێنجشەممەی داهاتوو، بۆ گواستنەوەی هاوڵاتیان.
هەروەک ڕاگەیەندراوەکە ئاماژەی پێداوە :- کاتی ڕۆیشتن لە وێستگەی شەمەندەفەری فەللوجە کاتژمێر 6:45خولەک و گەڕانەوەش لە وێستگەی ناوەندی بەغداوە بۆ فەللوجە کاتژمێر 5 ئێوارە دەبێت،سەبارەت بە ڕۆژانی هەینی و پشووی فەرمیش،کاتی ڕۆیشتن لە فەللوجە کاتژمێر 9 ی بەیانی دەبێت، هەرورک کاتی گەڕانەوە لە بەغداوە،کاتژمێر 6 ئێوارە دەبێت، و نرخی بلیتەکانیش بەگونجاون.
