سەرۆكی دەستەی دەستپاكی: سورین لەسەر وشككردنی سەرچاوەكانی گەندەڵی
سیاسی
- 9-09-2023, 19:35
بەغداد - INA
ئەمڕۆ شەممە، دەستەی دەستپاكی فیدراڵی، تەئكیدی لە سوربوونی خۆی كردەوە بۆ وشككردنەوەی سەرچاوەكانی گەندەڵی و پاككردنەوەی دامەزراوەكانی دەوڵەت لە سەرچاوەكانی.
دەستپاكی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: دادوەر حەیدەر حەنون، لەمیانی كۆبوونەوەیەكدا كە لە بارەگای فەرمانگەی لێكۆڵینەوە بەڕێوەچوو و بەئامادەبوونی بەڕێوەبەری گشتی و بەڕێوەبەری بەڕێوەبەرایەتی و فەرمانگەكانی لێكۆڵینەوە لە بەغداد و پارێزگاكان، تەئكیدی لە سوربوونی دەستەكە كردووە بۆ وشككردنی سەرچاوەكانی گەندەڵی و بەدواداچوون گەندەڵكاران لە هەموو دامەزراوەكانی دەوڵەتدا، بە تایبەتی دامەزراوە خزمەتگوزارییەكان، ئاماژە بەوە دەكەن كە ئەوانەی دوژمنایەتی لەگەڵ دەزگاكانی چاودێری و ڕێوشوێنە خۆپارێزییەكانیان لەو دامەزراوانەدا هەڵدەگرن، كۆمەڵێك كەسی كاریگەرن كە سوودمەندن لە داهاتی گەندەڵی.
هەر لە پێی بەیاننامەكە حەنون وتی: پێویستە دۆسیەی بەرەنگاربوونەوەی گەندەڵی هاوئاهەنگ بێت لەگەڵ هەوڵەكانی حكومەت لە پێشكەشكردنی خزمەتگوزاری بە هاوڵاتیان و سەركەوتنی بەرجەستە لە دۆسیەی ئەمنی، و جەختیشی لە پێویستی بەدواداچوون بۆ گرێبەست و تەندەرەكان كردەوەو هۆشداریشیدا، كە پرۆسەكانی ئاوەدانكردنەوە و وەبەرهێنان و گۆڕانكاری بەرەو گەشەكردن و گەشەپێدان لە وڵاتدا دەبێت ژینگەیەكی دوور لە گەندەڵی دروستبكات.
