سەرۆک وەزیران: میوانداریكردنی به‌شداربووانی چله‌ی ئیمام حوسێن لەلایه‌ن عێراقییەکان پابەندبوونیان بەبه‌خشین و بەها بەرزەکانەوە دووپات دەکاته‌وه‌

 به‌غداـ INA
سەرۆکی ئەنجومەنی وەزیران مەحەمەد شەیاع سودانی ئەمڕۆ شەممە، پەیوەندییەکی تەلەفۆنی لە سەرۆک کۆماری ئیسلامی ئێران-ەوە ئیبراهیم ڕەئیسی پێگەیشت.
نووسینگه‌ی ڕاگه‌یاندنی سه‌رۆك وه‌زیران له‌راگه‌یێندراوێكدا كه‌بۆ ئاژانسی هه‌واڵی عێراقی ناردووه‌ راگه‌یاند" لە سەرەتای پەیوەندییە تەلەفۆنییەکەدا، ڕەئیسی سوپاسی خەڵک و حکومەتی عێراقی کرد بۆ خزمەت کردن و میوانداریی کردنی ئەو زیارەت کارانەی کە بەشدارییان کرد لە یادکردنەوەی چلە ئیمام حوسێن (سەلامی لێ بێت)، وستایشی ئەو هەوڵانەی کرد کە لە هەموو ئاستەکاندا ئەنجامدراون، وەکوو بەڵگەیەک بۆ سەقامگیری عێراق و بەرەو پەرەپێدانی نیشتیمانی هەژماری کرد، و نوێنەرایەتی پەیامی خۆشەویستی و ئاشتی کرد لە عێراقەوە بۆ هەموو جیهان.
لە لای خۆیەوە، سودانی جەختی کردەوە لەوەی کە میوانداری کردن و خزمەت کردنی زیارەت کارانی چلە وێنەیەکە لە ڕێگەیەوە عێراقییەکان ساڵانە دووپاتی دەکەنەوە، بە پابەندبوونیان بەو چاکە و بەها بەرزانەی کە لە خانەوادەی پێغەمبەرەوە (سەلامیان لێ بێت) هاتوە.
لە پەیوەندییە تەلەفۆنییەکەدا باس لە گرنگی پەیوەندییە دوو قۆڵییەکان و بەشداریکردنیان لە سەقامگیری ناوچەکە کرد، لەگەڵ پەیوەندییە کولتووری و ئاینییەکانی نێوان هەردوو وڵات و توانای عێراق لە نزیکردنەوە و بتەوکردنی لێکتێگەیشتن لە نێوان وڵاتانی ناوچەکەدا.