وەزیری بازرگانی سەركەوتنی پلانی وەزارەت تایبەت بە سەردانی چلە ڕادەگەیەنێت
سیاسی
- 6-09-2023, 20:43
بەغداد- INA
ئەمڕۆ چوارشەممە، وەزیری بازرگانی ئەسیر داود غرێری، سەركەوتنی پلانی وەزارەتەكەی تایبەت بە سەردانی ساڵیادی چلەی ئیمام حسێن (سەلامی خوای لەسەر بێت) ڕاگەیاند.
غرێری لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: وەزارەت هەوڵەكانی كۆكردەوە بۆ سەرخستنی پلانی سەردانی چلە، بە بەشداریكردنی 700 ئۆتۆمبیلی بەرهەمهێنانی سەر بە كەشتی گواستنەوەی ناوەندی و (100) ئۆتۆمبێلی خزمەتگوزاری، كە بەشدارییەكی زۆریانكرد لە كەمكردنەوەی قەرەباڵغی و لەخۆگرتنی ئەو ملیۆنان خەڵكە، هەروەها بۆ پێشكەشكردنی خزمەتگوزارییەكانی دیكەی وەك دابەشكردنی ئاو و شەربەت و سەهۆڵ و سەموون بەسەر سەردانكەران و خاوەن كاروانەكانی حوسێنی.
جەختیشیكردەوە: سەركەوتنی پلانی گواستنەوەی وەزارەت لە ڕێگەی هەوڵی یەكگرتووی سەرجەم تیمە وەزارییەكانەوە هاتە ئاراوە، بە ئامادەبوون و بەشداریكردنی مەیدانی بریكاری كارگێڕی وەزارەت ستار جابری، ئەوە جگە ئامادەبوونی ژمارەیەك لە بەشە باڵاكانی گواستنەوە لە ڕێگەی هەماهەنگی هاوبەش لەگەڵ لیژنەی باڵا كە سەرپەرشتی سەردانەكە و لایەنەكانی دیكەی پشتیوانی دەكرد.
ئاماژەی بەوەشكرد: حكومەتی خۆجێی و فەرماندەیی ئۆپەراسیۆنەكانی پارێزگاكە و مەرجەعیەتی ئایینی ستایشی هەوڵەكانی وەزارەتی بازرگانیان كرد بە نوێنەرایەتی تیمی كاری وەزارەت كە توانیان بە درێژایی كاتژمێرەكانی ڕۆژ كاربكەن بۆ خزمەتكردنی ژمارەیەكی زۆر لە موسڵمانان كە یادی ئەم بۆنە مەزنەیان كردەوە كە پێكەوەژیان و یەكگرتوویی عێراقییەكانیان دەربڕی.
هەورەها وەزیری بازرگانی سوپاس و پێزانینی خۆی بۆ ستافی وەزارەت دەربڕی كە لەڕێگەی كار و خۆبەخشییەوە بەشداربوون لە سەركەوتنی پلانەكە بەمەبەستی خزمەتكردنی سەردانیكەرانی ئیمامی حسێن (سەلامی خوای لەسەر بێت).
