دەستەی دەستپاکی بەهەدەردانی 654 ملیۆنی وەستاند

ناوخۆ

4-09-2023, 16:44

+A -A

بەغداد/ INA
ئەمڕۆ دووشەممە،دادگای لێکۆڵینەوە لە دەستەی دەستپاکی ڕایگەیاند، توانیویانە بەهەدەردانی (650) ملیۆن دینار ڕابگرن.
بەڕێوەبەرایەتیەکە لە ڕاگەیەنراوێکدا کە بۆ ئاژانسی هەواڵی عێراقی (INA) ناردوویەتی، ڕایگەیاند:- تیمێکی کارکردن لە بەڕێوەبەرایەتی لێکۆڵینەوەی بەغدا بە مەبەستی لێکۆڵینەوە لە پرسی گەندەڵی لە دەرکردنی چێکێک بەبڕی (653,910,612) دینار ، دوای ئەوەی وردبینی تێدا کرا گومانی گەندەڵیکردنەکە ئاشکرا بوو لە خەرجکردنی ئەو بڕە پارەیەی کە کۆمپانیای دابەشکردنی بەرهەمە نەوتییەکان قەرزاریەتی بە یەکێک لە کۆمپانیاکان بەپێی بڕیارێکی دادوەری لەلایەن دادگای پلە یەکەوە لە سەرۆکایەتی تانەدان لە کەرخ.
وەک بەیاننامەکە ئاماژەی پێداوە :- ئەو چەکە بەبێ مۆڵەت لەلایەن کۆمپانیای سودمەندەوە خەرجکراوە، بە پشتبەستن بە نوسراوێک کە لەلایەن کۆمپانیاکە پێشکەشی کراوە و بەروارەکەی و هامشەکەی دەستکاری کراوە، ئەمە جگە لەوەی بریکارنامە کە نوێ نەکراوەتەوەو کاغەزی کۆمپانیاکە دەگەڕێتەوە بۆ ساڵی ٢٠٢٠.