دادگای باڵای فیدراڵی بڕیاری نادەستووری بوونی لەسەر ڕێککەوتنی دەریایی لە خۆر عەبدوڵا لەنێوان عێراق و کوێت راگەیاند

ناوخۆ

4-09-2023, 16:40

+A -A

بەغداد/INA
ئەمڕۆ دووشەممە،دادگای باڵای فیدراڵی بڕیاری نادەستوور بونی لەسەر پەسەندکردنی رێکەوتننامەی ڕێکخستنی دەریایی لە خۆر عەبدوڵا دەرکرد.
دادگای باڵای فیدراڵی لە بەیاننامەیەکدا کە بۆ ئاژانسی هەواڵی عێراق (INA) ناردوویەتی، رایگەیاند:-ئەمڕۆ لە دانیشتنی ژمارە (105) هاوپێج بە ژمارە (194/ فیدراڵی/ 2023) یاسای پەسەندکردنی ڕێککەوتنی نێوان حکومەتی کۆماری عێراق و حکومەتی دەوڵەتی کوەیت لەسەر ڕێکخستنی کەشتیوانی دەریایی لە خۆر عەبدوڵا ژمارە (42) ی ساڵی 2013 بە نادەستووری زانی.
وەک بەیاننامەکە ئاماژەی پێداوە :- دادگا بڕیاری خۆی دەرکردووە کە رێککەوتنەکە پێچەوانەی بڕگەکانی ماددەی (61/چوارەم) ی دەستووری کۆماری عێراقە کە تیایدا هاتووە (رێکخستن و پەسەندکردنی پەیماننامە نێودەوڵەتییەکان بە یاسایەک ڕێکدەخرێت کە لەلایەن زۆرینەی دوو لەسەر سێی ئەندامانی ئەنجومەنی نوێنەرانەوە دەنگی لەسەر درابێت).